Намаздын маанилүүлүгү

Пайгамбарыбыздын "саллаллаху алейхи васаллам” заманында сахабалардын бирөөсү Пайгамбарыбызга келип: "Тапканымдын көптүгүнө карабай турмуш оорчулугун тартуудамын”, - деп ал аыбалын айтты. Пайгамбарыбыз: "Үйүңдө намаз окубаган адам барбы?” - деп сурады. Ал: "Жок, үйдө баарыбыз намаз окуйбуз, намаз окубаган адам жок”, - деп жооп берди. Пайгамбарыбыз: "Коңшуларыңан же көчөдөгүлөрүңөн намаз окубаганы барбы?” - деп сурады. Сахаба: "Коңшуларыбызда да көчөбүздө да намаз окубаган адам жок”, - дегенде, Пайгамбарыбыз: "Бир сураштырып көр, көчөңөрдөн намаз окубаган бирөө өткөн бекен?” - деп сурады. Кайтып келген сахаба: "Сураштырдык, көчөдөн намаз окубаган эч ким өтпөгөн экен”, - деди. Пайгамбарыбыз: "Бул берекесиздик намаз окубагандан чыгууда”, - дегенде сахаба кайрадан сураштырып: "Йа, Расулаллах, намаз окубаган бирөөнүн жаназасы өтүп бара жатып табыты биздин үйдүн дубалын чийип кеткен экен”, - деди. Буга Пайгамбарыбыз: "Мына, үйүңдөгү берекесиздиктин себеби ушул, ал дубалды тез арада бузуп кайра тургузгула!” - деп буюрду.