Аял - султан

Мусулмандыкта аял – султан. Динибиз аялды кадырлаган, эркекке болсо көп жоопкерчиликти жүктөгөн. Исламиятта аял үй ичинде жана сыртында иштөөгө, акча табууга мажбур эмес. Үйлөнгөн болсо күйөөсү, бойдок болсо атасы, атасы жок болсо эң жакын тууганы иштеп, ал аялдын бүткүл муктаждыктарын камсыздоого мажбур. Каралаша турчу эч кимиси жок аялга мамлекеттин жардам казынасы каралашат.

Исламиятта жашоо жүгү эркек менен аял ортосунда бөлүштүрүлгөн эмес. Бир эркек киши аялын талаада, завод-фабрикаларда же кандайдыр бир жерде эмгектенүүгө мажбурлай албайт. Эгер аял өзү кааласа жана буга эркек дагы ыраазы болсо аял өзүнө ылайык болгон кандайдыр бир жумушта иштей алат. Бирок, аялдын тапканы баары аялдын өзүнүкү гана болот.

Мусулман аялдын үй иштерин кылуусу - өтө чоң сооп. Бирок, мажбурлап кылдырууга болбойт. Расулуллах алейхиссаламдын мезгилинен бери мусулман аялдар бул жакшылыктарын кылып келишкен.

Ар аялзаты - бир эркектин же кызы же бир тууганы же жубайы же энеси. Аялдарга жаман нерселер ыраа көрүлбөөсү керек, аларга ылайык болгон кадыр-барк көрсөтүлүүсү керек. (Риядун Насыхин)