Адам үчүн эң жаман беш нерсе

* Харам жегендердин бүт дене мүчөлөрү кааласа да, каалабаса да күнөө кылат. Халал жегендердин дене мүчөлөрү болсо ибадат кылат.

* Адепти сактабастан кылынган кызматтардын пайдасы жок.

* Дүнүйөдөн кийинки жолчулук өтө узак. Ал узак жолчулук үчүн керек болуучу нерселерди камдап алгыла!

* Өзүнүн жана бала-бакырасынын тиричилик каражаттарын камсыз кылуу үчүн иштөө - фарз.

* Дүнүйө жана акыретте жакшылык сабыр менен колго тийет.

* Эң пайдалуу амал – напсинин каалоолорунун терсин кылуу.

* Адамдар дуушар болгон балээ жана кыйынчылыктардын эң чоңу - акырет жана дүнүйө иштери менен алектенбей бош отуруу.

* Дин – адамдарды түбөлүк бактылуулукка алып баруу үчүн Аллаху таала тарабынын көрсөтүлгөн жол.

* Бир адам үчүн эң жаман беш нерсе: ыймансыздык, кибир (текеберлик), аз шүгүр, жаман ахлак жана сараңдык.

* Аллаху таала башкаларга ырайым кылбаган адамга ырайым кылбайт, кечирим сурагандарды кечирбеген адамды кечирбейт.

* Мал-мүлк сараңдарда, курал коркоктордо, башкаруу да алсыздарда болсо иштер бузулат.

* Диний илимдер – дүйнөдө жана акыретте бактылуулукка ээ кылган илимдер болуп саналат.

* Дүнүйөлүк нерселер үчүн капалануу жүрөккө караңгылык, акырет үчүн капалануу болсо жүрөккө нур.

* Аракет кылбай жана мээнет кылбай Бейишке кире турганын ойлогон адам бош кыялдарга кабылат.

* Шарапаттуу жана асыл адам сөзүндө турат. Акылдуу адам жалган сүйлөбөйт. Момун адам ушак кылбайт.

* Илими жок адамдын дүнүйөдө да акыретте да эч кандай баркы жок.

* Ар жамандыктан узак болуунун жолу – тилине ээ болуу.

* Дүнүйө сыноо жери болуп саналат. Бул жерде дос-душманга бирдей ырайым кылынган. Акыретте болсо бир гана досторго ырайым кылынат.

* Ачууланган кезде өзүнө аманат кылынган сырды ачып койгон адам эң төмөн адам.

* Жумуш кылбай, ар кимге муктаж болуп калган адамдын дини жана акылы кем болот.

* Жамандар менен бирге болгон жана аларды коргогон адамдар да жамандардан болуп саналат.

* Кибир жана ачуу адамдардын башына көп балээ кырсыктарды алып келет.

* Башкаларды оңдоону кааласаң алгач өзүңдү оңдо!

* Аалым жана олуялардын кабырларын зыярат кылгыла! Себеби, ал улуулар зыярат кылгандарга шапаат кылышат.