Пайгамбарыбыз
(саллаллаху алейхи ва саллам) Хазрети Алиге: «Йа, Али! Алты жүз миң кой тилейт белең же алты жүз миң алтынбы же
болбосо алты жүз миң насаатпы?» - деди. Хазрети Али: «Алты жүз миң насаат
тилейм», - деди. Ошондо Сүйүктүү Пайгамбарыбыз мындай деди: «Мына бул алты насаатка баш ийсең алты жүз
миң насаатка баш ийген болосуң:
1 - Ар ким нафил нерселер менен алек болуп
жатканда сен парздарды орунда. Башкача айтканда, парздардагы шарттарды,
важибдерди, сүннөттөрдү, мустахабдарды орунда!
2 - Ар ким дүнүйө менен алек болуп жатканда
сен Аллаху тааланы ойло. Исламга ылайык өмүр сүр. Исламга ылайык табыш тап,
Исламга ылайык сарпта.
3 - Ар ким бири-биринин кемчилигин издеп
жатканда сен өз кемчилигиңди изде. Өз кемчиликтериң менен алек бол!
4 - Ар ким дүнүйөсүн куруп жатканда сен
диниңди кур, диниңди кооздо.
5 - Ар ким элге жакындоонун жолун издеп
жатканда, элдин ыраазылыгын көздөп жатканда сен Хактын ыраазылыгын көздө.
Аллаху таалага жакындата турчу себептерди изде!
6 - Ар ким көп амал кылып жатканда сен
амалыңдын көп болуусуна эмес ыкыластуу болуусуна көңүл бөл!»
Башкы бет
