Тозоктун эң сасык жери

* Өзүн болгонунан артыкча көрсөткөн адам өз абалын жокко чыгарган болот.

* Адамдар кедей болуудан коркуп дүнүйөлүк үчүн эмгектенишкендей, Тозоктон коркуп андан коргонуу үчүн эмгектенишкенде сөзсүз Жаннатка барышмак.

* Адамдар зарылдык деп тамак-аш табуунун артынан жүгүрүшөт. Бирок, негизги зарылдык – күнөөлөрдөн сактануу. Бирок, көбү мындан сактанбай тамактын артынан жүгүрүшөт.

* Чынчыл дос досунун кемчиликтерин көргөндө жашырат, ашкерелебейт.

*Гафилдерден, жахилдерден жана кошоматчылардан узак тур!

* Орозо кармоо – Аллаху тааланын сыпаты менен сыпаттануу. Себеби, Аллаху таала жеп-ичүүдөн муназзах.

* Бир адам бир ниматка жетип мунун шүгүрүн өтөбөсө, ал нимат колунан чыгат да, ал адамдын мындан кабары дагы болбойт.

* Мына бул үч нерсе Аллаху тааланы өтө капалантат: 1- Убакытты бошко өткөрүү, 2- Адамдарды макзактоо, 3- Гыйбат кылуу.

* Тозоктун эң сасык жыттанган жери  - зина кылгандар болгон бөлүгү!

*Аллахтан башка эмнеге табынсаңар баары эч. Эч менен бирге болгон адамга убал болсун.

* Бир нерсеге муктаждык туюлса дагы эмгектенип аны камсыздабоо, бала-бакыраны чарасыз таштоо жахилдик жана жалкоолук.

* Бир кабар уккан кезиңерде аны башкаларга айтуу үчүн эмес ага өзүңөр уюу үчүн жакшы түшүнүп ойлонгула! Себеби, илимди риваят кылгандар көп, бирок, ага көңүл бөлгөндөр өтө аз.

* Иштин өзөгү үч нерсе: Халал тамактануу, аклах жана амалда Расулуллахка баш ийүү, ар ишти бир гана Аллаху тааланын ыраазылыгы үчүн кылуу.

* Кулдуктун эң жакшысы – кулдун Аллаху таала берген ниматтар алдында шүгүрдөн алсыз болгондугун билүүсү.

* Күнөөлөр жашыруун кылынса мунун зыяны күнөөнү кылганга. Эгер ачыктан ачык кылынса жана буга кедерги болунбаса мунун зыяны баарына.

* Өч алып соңунда өкүнгөндөн көрө, кечирип өкүнүү мен үчүн мен үчүн сүйкүмдүүрөөк.

*Кедейлик – абалына шүгүр кылып, эч кимге арызын айтпастан муктаждыгын жашыруу болуп саналат.

* Бетпак киши – унутулган күнөөлөрүн ачыкка чыгарган киши.

* Өлүм келе электе эсебиңерди кылгыла. Кечиримге ээ болуу үчүн тообо кылгыла.