Жооп узун болгондо чындык жашыруун калат

* Бардык коркунучтардын башы – тойгончо жеш.

* Дүнүйөдө Аллаху тааладан эң көп корккон адам кыямат күнү адамдардын эң аманы болот.

* Жооп узун болгондо чындык жашыруун калат.

* Өзүңдөгү жашыруун калуусун каалаган бир нерсени башка бирөөнөн көрсөң ачыкка чыгарба.

* Кимге ушул 5 саадат берилген болсо ал адам өтө бактылуу: 1-Ден-соолук, 2-Ишенимдүүлүк, 3-Ырыскынын кеңдиги, 4-Мээримдүү жана опаалуу жар, 5-Кутулуу сезими.

* Акыретте сага керек болчу нерсени бүгүн биринчи орунга кой. Акыретте сага зыян бере турчу нерсени ташта.

* Эне баласынан кача турчу кыямат күнү үчүн даярдык көрбөгөн адамга убал болсун!

* Эй, адам! Бул күндөр сөзсүз келип-кетет, атүгүл көбү өттү. Андай болсо, жок дегенде калгандарынын кадырын бил!

* Акылдуу киши Аллаху тааланы көбүрөөк тааныйт. Көбүрөөк тааныган адам максатына тез жетет.

* Эмгектенип тобокел кылуу бир четке чыгып ибадат кылуудан кайырлуу.

* Сени Аллаху таалага жакындаткан нерсе – муктаждыгыңды Андан сурооң. Сени элге сүйдүргөн нерсе болсо – алардан бир нерсе сурабооң.

* Көралбас кишинин тынчы жок болот.

* Башкалардын зыян көрүүсүнө кубанган киши кутулууга жете албайт.

* Аллаху тааланын буйруктарын орундап, тыюуларынан сактанууну олжо деп билүү керек.

* Ачкөздүк гафилдердин көңүлүндө шайтандын султаны.

* Дүнүйөлүккө жетүү үчүн акыретти берүү жана адамдарга жагынуу үчүн Аллаху тааланы таштоо – акмактык.

* Аялынын кыйынчылык тарттыруусуна сабыр кылган адамга Аллаху таала Аййуб алейхиссаламга берилген сооптон берет.

* Ким Жаннаттыктардан болуусуну кааласа салих адамдар менен бирге болсун.

* Дүнүйө жана акыретте азап жана кайгыдан кутулууну каалагандар жаман ахлактуулар менен көрүшпөөлөрү керек.

* Бири-бирине таарынгандар элдешүүлөрү керек. Биринчи кадам жасаган киши биринчи Жаннатка кирет.

* Ыйман жана илим эгиз бир тууган жана бири-биринен ажырабаган дос сыяктуу.

* Харам акча менен садака берген, мечит жасаткан, кайрымдуулук кылган адам кирдеген кийимди заара менен жууган адамга окшоп, андан бетер кирге батат.

* Ачуу жана ачкөздүктөн сактанган адам кутулду.

* Же көрүнгөнүңдөй бол же болгонуңдай көрүн!

* Ким Аллаху тааланын өзүн көрүп тургандыгына йакин даражада ишенсе дене мүчөлөрүн жана көңүлүн күнөө иштерге алдырбайт.

* Бир момундун көңүлүн кубантуу мага нафил ажылык кылуудан да жакшы келет.