Расулуллахтын Хазрети Алиге айткан осуяттары

- Момундун 3 белгиси болот: Намаз окуу, орозо кармоо жана  садага берүү. 

- Риячынын 3 белгиси бар: Адамдардын жанында намазынын руку жана саждаларын толук орундайт, эч ким  көрбөгөн жерде эч бир рукуну толук орундабайт. Мактаган кезде  берилип ибадат кылат. Адамдардын арасында Аллаху тааланы  көп зикир кылат.  

- Заалымдын 3 белгиси бар: Өзүнөн төмөн тургандарга  кысым көрсөтөт. Күчү жеткенче элдин мал-мүлкүн кыйнап тартып  алат. Жеп-ичүүдөн жана кийинүүдөн эч нерсени аябайт.  

- Сараңдардын 3 белгиси болот: Жанында болгон адамдын  бетине кошоматтанат. Алыстаганда артынан гыйбат айтат.  Башкалардын башына кыйынчылык түшсө кубанат.  

- Мунафыкта (эки жүздүүлөрдө) 3 белги бар: Жалган  сүйлөйт. Сөзүндө турбайт. Аманатка кыянат кылат. 

- Жалкоолордун 3 белгиси болот: Аллаху тааланын буйруктарын орундоого эригет. Кемчилик менен амал кылып,  амалы текке кетет. Намазын кечиктирет. Жада калса, убагынан  өткөрүп жиберет.  

- Тоба кылгандарда 3 белги бар: Арамдардан, күнөөдөн  сактанат. Илим үйрөнүүгө шыктуу болот. Күнөөгө кайра жолобойт.  

- Акылдууларда 3 белги болот: Дүнүйө мал-мүлкүнө байланбайт. Кыйынчылыктарга чыдайт. Жокчулукта сабыр кылат.

- Акмактардын 3 белгиси бар: Аллаху тааланын парздарына  жалкоолук кылат. Маанисиз, жүйөөсүз сөздөрдү көп сүйлөйт.  Макулуктарды кордойт.  

- Багы барлардын 3 белгиси бар: Адалдан жейт. Илим  үйрөнүү жыйындарына катышат. Беш маал намазды жамаат  менен окуйт. 

- Жаман амалдуулардын 3 белгиси бар: Аллахтын буйруктарын орундоодо жалкоолук кылат. Айланасындагылардын баарына зыяны тийет. Өзүнө жакшылык  кылгандарга жамандык менен жооп берет. 

- Күнөөкөрлөрдүн 3 белгиси бар: Көп жаңылат жана ката  кетирет. Убактысын оюн-зоок, бий жана музыка менен өткөрөт.  Унутчаак болот.  

- Опасыздын 3 белгиси бар: Тууган-уруктарын тажатат.  Кошунасына кордук көргөзөт. Күнөө кылууну жакшы көрөт.  

- Аллаху таала жүзүн бургандардын 3 белгиси болот:  Калпты көп сүйлөйт. Жалган сөз менен көп ант берет. Элге  кыйынчылык тарттырат.  

- Достун 3 белгиси бар: Мал-мүлкүн сага курман кылат.  Напсин сага курман кылат. Сенин сырыңды сактап жүрөт.  

- Ыймансыздын да 3 белгиси бар: Дининде күмөндөнөт.