Ар бир адам сыноодо

* Ар бир адам сыноодо. Алдаган алданыптыр, эзген эзилиптир.

* Эч кимди басынтпагыла. Басынткан адамдын өзү оодарылат.  

* Эң чоң балээ тилден келет.

* Кишинин иши болсо иши, сүйөт аны ар киши. Кишинин иши болсо киши, туюкка кептелет иши.

* Сүйүүнүн негизи - бул өз ара ишеним. Ишеним бар болсо сүйүү да бар. Экөө тең бар болсо анда ийгилик да бар.

* Момун азык сыяктуу болушу керек. Ага ар дайым муктаждык сезилип турушу керек.

* Жүзү дүнүйөнү караган адам бардыгы менен чыр-чатакта болот. Ал эми жүзү акыретти караган адам бардыгы менен ынтымакта болот.

* Адамдардын кыйынчылыктарына чыдоо - көркөм ахлак.

* Адам деген ушунчалык жакшы болушу мүмкүн деп айтылгандар кандай бактылуу.  

* Өзү таарынгандарга жакшылык кылган, белек берген адам өзүн жакшы сезет.

* Жүрөктү эң көп нурданткан нерсе – өзү ачууланган адамга дуба кылуу.

* Кул акысынан корккон адам бутун созуп, ырахат жата албайт.

* Футувват [марттык] - сени сүйбөгөнгө ихсан кылууң, өзүң сүйбөгөн менен таттуу сүйлөшүүң.  

* Мурувват, адамкерчилик – бул жакшылык кылууну каалоосу.

* Жамандын жакшы, ал эми жакшынын да жаман мүнөзү болушу мүмкүн. Жакшы мүнөздөрдү үлгү алуу керек! Пайгамбарыбыз алейхиссалам: "Бир момундун жакшылыгын унутуп, жамандыгын эстеген адамды Аллаху таала жактырбайт”, - деп айтууда.

* Такыбаа - акылдуулук менен жасалган иштердин эң жакшысы. Хакка каршы чыгуу - акылсыздык менен жасалган иштердин эң жаманы.

* Жоомарт болбогон адам адамдардын сүйүүсүн таба албайт.

* Өз өмүрүн пайдасыз, бош нерселер менен өткөргөн адам талаага үрөн себүү мезгилин өткөрүп жиберген болот. Өз убагында үрөн сеппеген адам орум-жыйым убактысы келгенде сөзсүз өкүнүп калат.

* Ийниңде эки муфаттиш (көзөмөлчү) бар, ар дайым текшерип турат. Ошентип, аз сүйлө, оозуңдан чыккан сөздүн жакшы же жаман деп жазылганын унутпа.

* Бир сөз сүйлөп жатканда өзүңдүн да, алдыңдагынын да акыретин ойлоп сүйлө.

* Жылуу жүздүү болбогон адамдын сүйүү жана ишеним табуусу кыйын.

* Эгер бир мусулман кандайдыр бир жумуш үчүн бир мусулмандын жанына ырахат бара албаса, тартынбай бара албаса, ошол өзүнөн тартынылган мусулмандын акыркы деминен коркулат.

* Өлүмдү эстөө өмүрдү узартат, көп жашоону каалоо өмүрдү кыскартат. Ушундай адам үч нерсеге тойбой кетет. Каалоолоруна тойбойт, үмүттөнгөн нерсесине жете албайт. Акырет үчүн жетиштүү даярдана албайт.   

* Жагдайыңа нааразы болбо, жамандын жаманы бар.

* Жугуштуу оорулардын жукпоо ыктымалдыгы да бар. Бирок, бир имараттагы жаман адам башка бөлмөдө болсо дагы, андагы жаман мүнөздөрдүн жукпоо ыктымалдыгы жок. Жамандык тез жайылат.

* Ийгиликтин сыры - жылуу жүз, таттуу тил жана жакшы саясат. Жакшы саясат – баарынын кубануусу.

* Сүйүү жакындыкты талап кылат, качкан куру калат. Көздөн алыс болгон көңүлдөн да алыс болот.

* Ар бир кыйынчылыктын себеби – күнөө кылуу.

* Текебердик жана ачуулануу башка көптөгөн кырсыктарды алып келет.

* Жакшылар менен дос болгон адам жамандардан коргонот.

* Жүрөктөгү текебердикке ылайык акылда кемчилик болот.

* Сөз ташуу – аманатка кыянат.

* Аалым менен бирге болгон кадырлуу, жахил менен бирге болгон кор болот.

* Диний өкүмдөрдү акыл менен түшүнүүгө аракет кылган адам пайгамбардыкка ишенбеген болот.

* Момун аз сүйлөйт, көп иш жасайт. Мунафык болсо көп сүйлөйт, аз иш жасайт.

* Акыл сыяктуу байлык, жакшы мүнөз сыяктуу дос, адеп сыяктуу мурас, илим сыяктуу аброй болбойт.

* Тил жырткыч айбан сыяктуу, боштондукка чыгарылса жарып салат.

* Адам тилинин астында, сүйлөгөндө белгилүү болот.

* Жаман адам баарын өзү сыяктуу жаман деп билет.

* Бардык жамандыктардын башаты - жаман дос.

* Жүрөк таза болсо тилден жакшы сөздөр чыгат.

* Ар бир жакшылык сабырдуулук менен колго тийет.