Чыныгы чебердик – көп сооп табуу

* Жүрөк дүнүйөлүк каалоолордун бирине байланып, өткүнчү лаззаттардын бирин ээрчип турганда акыретти кантип сүйө алат?

* Адамдын илими жогорулаган сайын, Кудайга болгон сүйүүсү арткан сайын, напсинен сууп, жек көрө баштайт. Бул абалга жетүү – Аллаху тааланын лутуф жана ихсаны. Ошол пендесин сүйгөндүгүнүн белгиси.

* Дүнүйөдөгү чыныгы чебердик көп акча табуу эмес, көп сооп табуу.

* Дарттарыңарды пенделерге эмес, Аллаху таалага айткыла. Бөтөнчө учурлардан тышкары бардык дарт жана балээлердин өзүбүздүн кемчилик жана күнөөлөрүбүздөн улам экендигин унутпайлы.

* Жумшак жана сылык адам жеңет.

* Силерге диниңерди, ыйманыңарды үйрөткөн эне-атаңар силерден ыраазы болмоюнча, Аллаху тааланын сүйүктүү пендеси боло албайсыңар. Ихсанга жетүүнүн себеби – эне-атанын дубасы.

* Чөлдө калып кеткен адамдын сууну эңсегени сыяктуу, баарынан дуба алууга аракет кылгыла. Үч адамдын дубасы кабыл болуп, четке кагылбайт:

1) Эне-атанын

2) Мусапырдын

3) Зулумдукка учурагандардын.

* Алгачкы ыйманыбызды энебизден, атабыздан үйрөндүк. Алар биздин алгачкы устазыбыз. Ошондуктан, эңе-ата акысы абдан чоң. Ошон үчүн дин душмандары Исламдын тамырын кыркуу үчүн үй-бүлөнү бузуу керек дешет.

* Биз балдарыбызга абдан кам көрүшүбүз керек. Курани каримди окууга, Ахли сүннөт акыйдасын жана илмихал маалыматтарын үйрөнүүлөрүнө, Ахли сүннөт аалымдарын таанууларына жана сүйүүлөрүнө чоң маани берүү керек.

* Душманын тааныбаган адам досун таба албайт.

* Ахли сүннөт итикадынан бир маселени үйрөтүү ондогон нафил ажылыктарга караганда сооптуу.

* Эгерде бир окуучу өз динин үйрөнүүнү, динге кызмат кылууну, мусулмандарга жана адамдарга пайдалуу болууну ниет кылса, эгер аны ушул ниет менен окуса, анын ар бир деми зикирге айланат.

* Адепти сактабаган бир да адам Аллаху таалага жете албайт, башкача айтканда, олуя боло албайт. Дин улууларынын жолу – башынан аягына чейин адеп. Намаздын сүннөттөрүн жана адептеринин бирин кармануу, танзихи бир макрухтан сактануу; зикир жана ой жүгүрдүүдөн (марифаттан) жогору турат.

* Ислам дарак сыяктуу. Анын тамыры – ыйман, денеси – ибадат, мөмөсү – ихлас.

* Динибиздин кыскача мазмуну 4 сөз: ишенүү, сүйүү, аткаруу, сактануу.

* Таттуу тилдүү жана жарык жүздүү болгула. Эч ким менен талашып-тартышпагыла. Бөлүнүп-жарылбагыла. Бөлүнүп-жарылуу бул – фитна, эч качан бөлүнүп-жарылбагыла.