Күнөөлөр - күфүрдүн кабарчысы

* Жүрөктүн Аллаху тааладан башкасына ыктоосу Аллаху тааланын азабын тездетет.

* Парз намаздарында кылынган дуба парз намаздын напил намаздан үстөмдүгү сыяктуу.

* Бир нерсеге муктаждык болгон учурда эмгектенип аны камсыз кылбоо, бала-чаканы кыйын абалга калтыруу – жахилдик жана жалкоолук.

* Напсине баш ийген адам кыйрайт. Эми анын жатканда жана турганда шериги шайтан болот.

* Алууну берүүдөн таттуу көргөн адам олуя боло албайт.

* Уу өлүмдүн кабарчысы болгондой эле, күнөөлөр да - күфүрдүн кабарчысы.

* Колуңду, дасторконуңду жана эшигиңди ачык карма! Көзүңдү, тилиңди жана белиңизди сакта!

* Ичи тарлардын эң төмөнү – ичи тардык кылган адамдагы нематтын жок болуусун каалайт.

* Жалгыз калганда да күнөөдөн тыйылуу зарыл.

* Пенде үчүн көркөм ахлактан жакшы мартаба жок. Адам көркөм ахлагы менен дүнүйө жана акыретте жогорку даражаларга жетет.

* Талашып-тартышуу пайда эшиктерин жабат.

* Ар дайым илим менен алек болуу адамдардын кемчиликтерин түшүнүүсүнө себеп болот.

* Эл арасында таанылууну каалагандар акыреттин даамын тата албайт.

* Макул деп айтууну үйрөнүү керек.

* Пенде канчалык көп дуба кылса, Аллаху таала андан ошончолук балээ-кыйынчылыктарды кетирет.

* Унчукпоо сага салабаттуулук берет жана сени кечирим суроодон куткарат.

* Адамдар адепке илимге караганда көбүрөөк муктаж.

* Жумшактык тезирээк тынчтанууга себеп болот жана кыйын нерселерди жеңилдетет.

* Адамды Аллаху тааладан алыстаткан нерселерге сүйүү – бардык жамандыктардын тамыры.

* Хайа (уяттуулук) – Аллаху таала жактырбаган жаман мүнөздөрдөн баш тартуу.

* Сөзү жана иштери менен сага Аллаху тааланы жана акыретти эстетпеген адам менен дос болбо!

* Эгер кимде-ким бир нерсенин өзүнө пайдалуу же зыяндуу экенин билбесе жахилдигин көрсөткөн болот.

* Коркок соодагер утпайт дагы, жоготпойт дагы; ал тургай зыянга учурайт.

* Адамдарды жек көрүү, төмөнсүнтүү - сен үчүн айыктырууга мүмкүн болбогон чоң илдет.