Жакшы көрбөсөң же, жок болсун

* Кыйынчылыктарга чыдоо, ачууланбоо, жылуу жүздүү жана таттуу сөздүү болуу көркөм ахлактан.

* Эгер мал-мүлктү жакшы көрсөң аны орундуу сарпта, сага түбөлүктүү дос болсун! Эгер жакшы көрбөсөң же, жок болсун.

* Сабырдуу адамдар – кыйынчылыктарга чыдоону мүнөзгө айлантып алгандар.

* Илими арткан сайын күнөөсү арткан адам анык куруйт.

* Аллаху тааланы сүйгөндөр дүнүйө жана акырет сый-урматына жетип кетишти. Анткени, Пайгамбарыбыз алейхиссалам: "Адам сүйгөнү менен бирге”, - деп буюрду.

* Өлгөндөн кийин сага пайда алып келбеген бардык жумушту ташта! Эгер ушундай кылсаң, качан өлсөң да зыянда болбойсуң.

* Илим үйрөнүүнүн 4 шарты: 1- Унчукпоо жана адептүү болуу. 2- Кунт коюп угуу жана жаттоо. 3-Үйрөнгөн нерсесине амал кылуу. 4- Башкаларга үйрөтүү, баарына жайылтуу.

* Эң көп сүйүнгөн нерсем – Аллаху тааланын мага ихсан жана икрам кылган ыйман нематы. Эң көп корккон нерсем - анын менден кетүүсү.

* Аллаху таалага моюн сунуу бир казынага окшош. Бул казынанын ачкычы дуба, ачкычынын тиштери болсо адал тамак.

* Аллахтан коркуу сени Ага жеткирет жана өзүңдү өзүң жактыруудан алыс кылат.

* Конок тосууда да ысырапкорчулук адал эмес.

* Адамдардан келчү кыйынчылыктарга сабыр кылбаган, аларга жооп кайтарууну токтотпогон адам сабырдуу саналбайт.

* Жакшы мүнөз – башкаларды кыйнабоо жана алардан келчү кыйынчылыктарга чыдоо.

* Адам өлүмдү эстеген сайын көрө албастык менен ичи тардыкты таштайт.

* Текеберлер өзүлөрүнүн бир тамчыдан пайда болгонун, акыры чириген жана сасып кеткен өлүккө айланаарын билишсе дагы текебердик кылышат. Алар эмнесине ишенишет?

* Мартабалардын эң жогорусу - жаман бир мүнөздү жакшы мүнөзгө айлантуу.

*Адам Аллаху таалага ибадат кылмайынча халим, жумшак боло албайт.

* Өлүмдү чындап таанып-билген бир адамга дүнүйөнүн балээ-кыйынчылыктары, дарт жана көйгөйлөрү абдан жеңил көрүнөт.

* Бир адамдын акмак экендигинин белгиси – өзүнүн кемчилигин таштап, башка бирөөңүн кемчилиги менен алек болушу.

* Эне-атага адал жана мубах болгон нерселерде моюн сунулат. Арам жана шектүү нерселерде эмес.

* Жалкоо адамдын үч белгиси бар: 1-Кайдыгер. 2- Көңүлкош. 3-Убакытын текке кетирет. Атүгүл, күнөө да кылат.

* Ашказаныңарга түшкөн тамактын арам же адал экенине көңүл бурмайынча эмне кылсаңар да кутула албайсыңар.