Илим көтөрмөлөйт, жахилдик төмөн түшүрөт

* Илим көтөрмөлөйт, жахилдик (караңгылык) төмөн түшүрөт. 

* Ахлак жана адеп – акылдын сырткы көрүнүшү. Адамдын акылы адебине жараша болот. 

* Акылдагы жетиктиктин шарты – адеп жана ахлакта жетиктик. 

* Жакшы адам – үй-бүлөсүнө жана балдарына пайдалуу адам. Бардык пайда Ахли сүннөт ишениминде. 

* Ислам дини – бардык нематтардын чогултулуп, адамдарга тартууланган түрү. 

* Акылдуу адам акылын колдонот. Андан да акылдуу адам башкалардын да акылын колдонот. 

*Адамдын жүрөгүндө канчалык текебердик бар болсо анын акылында ошончолук кемчилик бар. 

* Текебер адам – отко ышкылуу адам дегендик. 

* Башкаларга жүк болгон адам төмөндөйт. 

* Тил жырткыч айбан сыяктуу. Эгер бош коё берилсе бырчалап салат. Бирок, алгач өз ээсин.

* Бардык жамандыктардан сактануунун жолу – тилди тыюу. 

* Сөз ташуу, башкача айтканда, чагымчылдык кылуу – аманатка кыянат кылуу. 

* Сөз дары сыяктуу. Азы пайдалуу, көбү зыяндуу. 

* Өзүнө боор оорубаган адам эч качан башкага боор оорубайт. Өзүнө боор ооруунун, башкача айтканда, жакшылык кылуунун жолу – беш убак намаз. 

* Жаман адам эч ким жөнүндө жакшы ойдо болбойт. Анткени, ал ар бир адамды өзүндөй көрөт. Бардык жамандыктын башаты – жаман дос. 

* Адам өз тилинин астында. Эгер сүйлөтсөңүз эмне экенин түшүнөсүз.

 * Бир парзды өз убагында аткаруу миң жылдык нафил ибадаттан жакшыраак.

 * Эгер жүрөк таза болсо тилден жакшы сөздөр чыгат. Тил – жүрөктүн күзгүсү.

 * Эмгектенип табыш табууда түйшүк тартпаган адамда жакшылык жок.

 * Зериккен кезиңерде эмгектенгиле.

 * Дүнүйөдө жана акыретте жакшылык ыйман, намаз жана сабырдуулук менен колго тийет.

 * Сабыр кылбаган жеңишке жете албайт.

 * Эгер өлгөндөн кийин жашагыңар келсе өлбөс бир мурас калтыргыла.

 * Адепти үйрөнбөй туруп илимди үйрөнүү мүмкүн эмес.

 * Жолуңду, акчаңды, итикадыңды эч кимге айтпа.

 * Чыныгы сүйүү – жакшылык жана жамандыкты көргөндө өзгөрбөгөн сүйүү.

 * Эмгектенбестен ар кимге муктаж болгондордун дини жана акылы кемчил болот.

 * Өз илими менен амал кылбаган аалымдын илимине ишенүүгө болбойт.

 * Ачкаларды тойгузуу кечиримдүүлүккө себеп болот.

 * Акылдуу адам – корккон нерсеси башына түшө электе анын алдын алган адам.

 * Шүгүр кылынган немат туруктуу болот.

 * Жеке көз карашын жактырган адам туураны таба албайт.

 * Башкалардын кемчилигин издөөнү таштаган адам өз кемчилигин көрүп, оңдойт.

 * Акмактык – катадан кайтпай туруп алуу.

 * Жаман мүнөздөн арамдан сактангандай сактангыла.

 * Үч нерсе жүрөктү өлтүрөт: көп сүйлөө, көп уктоо, көп жеш.

 * Дини жана ыйманы жөнүндө "Акырым эмне болот?” деп бактын жалбырагындай титиребеген адамдын акыры коркунучтуу.