Ар бир күндү акыркы күнүң деп бил

* Ар бир күндү акыркы күнүң деп бил.

* Ар бир намазды акыркы убак деп бил.

* Текебердик бардык жакшылыктарга тоскоол. 

* Кеңешүү напсини сындырат.

* Өкүм натыйжага жараша берилет.

* Жамандык селдей тез жайылат. 

* Эң кыйын иш – диний китеп жазуу.

* Эң жакшы иш – динибизге кызмат кылуу.

* Ачууланба, жумшак бол, көп эмгектен. 

* Шейит болуп өлүү үчүн дуба кылуу керек.

* Адептүүлүк бул – өзүн кемчиликтүү деп билүү.

* Көп ибадат кылсаң да тообо кыл! 

*Аллахтан корккон адам кутулат.

* Жакшылык кылсаң дайыма жакшылык көрөсүң.

* Мусулмандын жүрөгү сынык болушу керек. 

* Ырайым кылган адам ырайым көрөт.

* Жылуу жүз, таттуу тил – кылымдын куралы.

* Момундун жүзүн кароо ибадат. 

* Жылуу жүз болуу ыймандын белгиси.

* Акыретте ар бир иштен суракка тартылат.

* Максат – бир адамды оттон сактап калуу. 

* Кичипейилдик көрсөткөн адамды Аллаху таала көтөрмөлөйт.

* Өзүңөрдү эч кимден жогору санабагыла!

* Кызмат берүү менен болот, алуу менен эмес. 

* Менин айтканым чын деп айтуу текебердик.

* Ар бир кыйынчылыктын себеби – күнөө кылуу.

* Арам менен азыктанган денени от күйгүзөт. 

* Достордун эң жакшысы – Аллахты эскерткендер.

* Кабагы бүркөө каштары чатылган болуу – шакаваттын (бактысыздыктын) белгиси.

* Жумушуна маани бербеген адам ууру. 

* Момунга катуу кароо да кул акысына жатат.

* Ыймансыз өлүүдөн коркпогон адам ыймансыз өлөт.

* Азыр боор ооруй турган мезгил. Эч ачууланбоо керек. 

* Аллахка болгон сүйүүсү арткан сайын адам өз абалынан уяла баштайт.

* Ар бир адамдан дуба алууга аракет кылгыла. Адам дуба алуу аркылуу Аллахка жакын болот. 

* Аллахтын сүйүүсүнөн башка жакшы нерселердин баары жанга уу, ал шекер болсо дагы! 

* Аллаху таала керим, кичине бир себеп менен керимдин кереми артат. Эң чоң себеп – Ага жалбаруу.