Малайани

Суроо: Малайани деген эмне?

ЖООП: Малайани – өмүрдү пайдасыз оюндар, пайдасыз жумуштар менен өткөрүү дегенди билдирет. Кээ бир оюндар пайдалуу. Мисалы, хадиси шарифте: "Жаа атууну үйрөнүү, атын тарбиялоо жана үй-бүлөң менен ойногондон башка пайдалуу оюн болушу мүмкүн эмес”, - деп айтылды. Башка оюндар малайани болуп саналат. Малайани менен алек болуу жакшы эмес.

Хадиси шарифтерде мындай делген:

"Малайанини таштоо адамдын мусулмандыгынын кооздугунан.” [Тирмизи]

"Малайани менен алек болгон адамдын катасы, күнөөсү көп болот.” [Ал-Аскери]

"Кыямат күнү күнөөсү эң көп болгон адам малайани сүйлөгөн адам.” [Абу Наср]

Ухудда шейит болгон бир жаш жигиттин энеси: "Балам, сага Жаннат сүйүнчү болсун!” – деди. Ошондо Расулуллах алейхиссалам мындай деди: "Сен кайдан билесиң, балким малайани сүйлөчү?” – деп буюрду. [Тирмизи]

Хазрети Кааб ооруп калганда Расулуллах алейхиссалам зыярат кылып барды. Хазрети Каабдын энеси: "Балам, Жаннат сага даяр”, - деди. Хазрети Пайгамбарыбыз алейхиссалам болсо мындай деди:

"Эй, Каабдын энеси! Сен кайдан билесиң, Кааб балким малайани сүйлөчү.” [Ибни Абиддуня]

Пайгамбарыбыз алейхиссалам Абу Зар хазреттерине да мындай деди:

"Сага денеге жеңил, бирок, таразада оор [акыретте сообу көп] болгон бир амалды үйрөтөйүн! Шүгүр кыл, көркөм ахлакка ээ бол жана малайанини ташта!” [Ибни Абиддуня]