Суроо: Эл арасында "Табышы аз, бирок, берекелүү”
жана "Берекелүү болсун, берекесин көр” деген сыяктуу сөздөр айтылып жүрөт.
Берекенин динибизде орду кандай?
ЖООП
Береке аз мал-мүлүктүн көп пайдалуу болуусу, көп
нерсеге жароосу дегенди билдирет. Аз мал-мүлк беркелүү болгондо көп адамдын
жыргоосуна жана көп жакшы иштердин орундалуусуна себеп болот. Берекесиз ушундай
көп мал-мүлктөр бар; ээсинин дүйнөдө жана акыретте бактысыздыгына себеп болот.
Андай болсо мал-мүлктүн көп болушун эмес,
берекелүү болушун тилөө керек! (К. Саадат)
Берекенин динибизде зор маанилүүлүгү бар. Хадиси
шарифтерде айтылды:
"Соода-сатыкта көп ант берүү
мал-мүлктүн берекесин кетирет.” [Муслим]
"Соодада берекет бар, соодага жалган,
кыянат аралашканда береке кетет.” [Бухари]
"Үйүнөн эрте чыккан адамдын жумушу
берекелүү болот.” [Баззар]
"Намаз окуган адамдын ырыскысы
берекелүү болот, окубаган адамдыкы болсо берекесиз болот.” [М. Жанна]
"Мөөнөттүү соода-сатыкта, карыз
берүүдө жана арпа аралаштырылып жасалган нанда береке бар.” [Ибни Мажа]
"Ырчы жана сүткордун табышында береке
болбойт.” [Дайлами]
"Ырыскысына ыраазы болгон адамдын
берекети артат, ыраазы болбогон адамдыкы болсо берекесиз болот.” [Ахмед]
Башкы бет
