Динибизге байланыштуу түрдүү суроолор

Суроо: Исламдын беш шарты качан фарз болду?

ЖООП

Ушул убактарда фарз болду:

1- Калимаи шахадат: Мусулмандыктын башталышында фарз болду. Беш шарттан биринчи фарз болгон – бул калимаи шахадат.

2- Беш убакыт намаз: Хижраттан бир жыл мурда Мираж түнү фарз болду.

3- Рамазан орозосу: Хижраттын экинчи жылы, Шабан айында фарз болду.

4- Зекет берүү: Орозо фарз болгон жылы, Рамазан айында фарз болду.

5- Ажылык: Хижраттын тогузунчу жылы фарз болду.

Төрт негизги хадиси шариф

Суроо: Исламияттын негизин билдирген төрт хадиси шариф кайсылар?

ЖООП

Исламияттын төрт негизи мына бул хадиси шариф менен билдирилген.

1- "Амалдар ниеттерге карата." [Бухари]

2- "Халал жана харам белгилүү." [Абу Давуд]

3- "Доочунун күбө көрсөтүүсү жана жоопкердин ант берүүсү керек." [Тирмизи]

4- "Өзү үчүн каалаган нерсени дин бир тууганы үчүн дагы каалабаган адамдын ыйманы толук боло албайт." [Абу Давуд]

Бул хадиси шарифтен биринчиси ибадат маалыматтарынын, экинчиси муамалат маалыматтарынын, үчүнчүсү адилеттик маалыматтарынын, төртүнчүсү болсо ахлак маалыматтарынын негизи. (Ыйман жана Ислам)