Алты шарттын биринчиси – Аллаху та'аланын важиб-ул вужуд жана хакики мабуд (чыныгы табынууга ылайыктуу) жана бүткүл болмуштун жаратуучусу экенине ишнеүү. «Дүнүйө менен акырет ааламдарында бар болгон бүткүл нерсени материясыз, убакыттан багыныңкысыз, теңдешсиз түрдө жоктон бар кылган бир гана Аллаху таала» деп анык ишенүү деген сөз. [Бардык заттарды, атомдоду, молекулаларды, элементтерди, кошулмаларды, органикалык заттарды, клеткаларды, өмүрдү, өлүмдү, ар бир кубулушту, ар бир реакцияны, бардык түркүн кубаттарды, энергия түрлөрүн, кубулуштарды, тартипти, рухтарды, периштелерди, жандуу-жансыз бүткүл болмушту жоктон бар кылган жана баарын бир заматта бар кылып кармап турган бир гана – Ал.] Ааламдарда болуп жаткан бардык нерсени [эч бири жок кезде, бир заматта] жаратканындай, [ар дайым бири биринен да бар кылууда. Кыямат убактысы келгенде бардыгын бир заматта] кайрадан жок кылып жиберет. Бардык болмуштун жаратуучусу, ээси, башкаруучусу – Ал. Анын ээси, кожоюну, үстөмү жок деп ишенүү керек. Бардык үстөмдүк, бардык кемел сыпат Ага гана таандык. Анда эч кандай кемчилик сыпат жок. Ал каалаганын жасай алат. Жасагандары өзүнө же башкаларга пайдалуу болуусу үчүн эмес. Кандайдыр бир пайда көрүү үчүн жасабайт. Ошону менен катар, ар ишинде хикматтар, пайдалар, жакшылыктар бар.
Башкы бет
