Суроо: Үйгө кирип баратканда же үйдөн чыгып баратканда
кайсы дубаларды окуу керек?
Жооп
Үйгө "Аят-ал курси” менен "Ихлас” сүрөлөрүн
окуп кирүү керек. Бир хадиси шарифтин мааниси мындай:
"Үйгө кирип баратканда Ихлас шарифти
окуган адам жакырчылык көрбөйт.” [Э. О. Илмихалы]
Сахабалардан Сухайл радыйаллаху анх бул сунушка
ылайык амал кылып бай болгон.
Үйгө оң бут менен кирип, салам берүү керек. Үйдө
эч ким болбосо: "Ассаламу алайна ва ала ибадиллахиссалихин”–
деп айтуу керек. Үйдөн чыгып баратканда да Аят-ал курсини окуу
керек. Бир хадиси шарифтин мааниси:
"Үйдөн чыгып баратканда "Бисмиллах,
таваккалту алаллах, Ла хавла ва ла куввата илла биллах” деген адам
кооптуу нерселерден коргонот, шайтан андан алыстайт.” [Тирмизи]
Үйдөн чыгып баратканда Аят-ал курсини окуган
адам бардык иштеринде ийгиликтүү болот. Үйгө келгенде дагы окуса эки Аят-ал
курсинин арасындагы иштер кайырлуу болот.
Хадиси шарифтерде айтылды:
"Кимде-ким үйүнөн чыгып баратканда
Аят-ал курсини окуса жетимиш периште үйүнө кайтып келгенге чейин ага дуба менен
истигфар кылат.” [Э.
О. Илмихалы]
Күндө эртең менен: "Өзүмдүн, үй-бүлөмдүн ырыскысын
халалдан таап, эч кимге муктаж болбоо, ибадаттарымды ылайыгы менен орундай алуу
жана адамдарга кызмат кыла алуу үчүн жумушума бара жатам”, - деп ниет кылуу
керек.
Үйгө кирип баратканда дуба
Суроо: Үйгө кирип баратканда окуу керек болгон Аят-ал
курси менен Ихлас сүрөлөрүн качан окуу керек? Бир досум: "Үйгө киргенде
окулат”, - деди, ал эми башка бирөө болсо: "Кире электе окулат”, - дейт.
Дагы бири: "Көп кабаттуу үйдүн эшигинен кирип баратканда, лифтке кирип
жатканда окулат”, - деди. Кайсынысы туура?
Жооп
Үч абалда тең окуса болот.
Башкы бет
