Суроо: Кайсы кишилердин дубалары макбул (б.а.,
дубасы кабыл болгон кишилер кимдер)?
ЖООП
Ажылардын, мужахиддердин, дарттуулардын, оорулуудардын, карыптардын, зулум
көрүп жаткандардын, жолчулардын, эне-атанын, балээ келүүдөн мурда дуба
кылгандын, көп зикир кылгандын, мусулмандыкта чачтарын агарткандын,
орозолуунун, салих аалымдын жана адилеттүү башкаруучунун дубалары кабыл болот.
Хадиси шарифтерде мындай делүүдө:
«Ушул төрт дуба
кайтарылбайт: Дин боордошу жок кезде анын артынан кылынган дуба. Сакайганга
чейин оорулуунун, кайтканга чейин ажылыкка жана жихадга кеткендин дубасы.» [Дайлами]
«Дарттуунун дубасын олжо деп
билгиле.» [Абушшейх]
«Орозолуунун дубасы
кайтарылбайт.» [Тирмизи]
«Ушул үч кишинин акысын
мунафвк киши гана төмөн көрөт: Ислам жолунда чачын агарткан, илим ээси жана
адилеттүү башкаруучу.»[Хатиб]
«Ушул үч кишинин дубасы
кайтарылбайт: Көп зикир кылгандын, мазлум жана адилеттүү башкаруучу.» [Байхаки]
«Ушул үч кишинин дубасы
кабыл болот: Эне-ата, жолчу жана зулумдук көргөн.» [Ибни Мажа, Абу Давуд, Тирмизи]
«Кыйынчылыкта дубасынын
кабыл кылынуусун каалаган адам ырахат кезинде көп дуба кылсын!» [Тирмизи]
«Дубанын кабыл болуусу үчүн
эки нерсе керек: Дуба ихлас менен кылынуусу керек. Жегени жана кийгени адалдан
болуусу керек. Бөлмөсүндө харамдан бир жиптик бар болгондун ал бөлмөдө кылган
дубасы кабыл болбойт.»[Таргибус-салат]
«Дуба кылгандын же күнөөсү
кечирилет же дароо кайырлуу жообун көрөт же акыретте сыйлыгын табат.» [Дайлами]
Башкы бет
