Кына сүрүү

Суроо: Кына кандай мааниге ээ?

ЖООП: Кынанын мааниси хадиси шарифтерде мындайча билдирилген:

"Кына сүргүлө. Анткени, ал сулуулугуңарды, жаштыгыңарды жана нике сүйүүңөрдү арттырат.” [Абу Нуайм, Беззар]

"Эң алгач кына сүргөн Ибрахим пайгамбар эле. Кара түс менен эң алгач боёгон фараон эле.” [Дайлами]

"Күйөөсү каза болгон аял [иддат мөөнөтү аяктаганга чейин]  кооз кийимдерди кийбейт. Ошондой эле жасалгаларды тагынбайт, кына сүрбөйт, сүрмө тартпайт.” [Муслим]

"Боёнуунун эң жакшысы – кына менен болгонуу.” [Дайлами]

"Карылыгыңарды кына менен кетиргиле. Анткени, ал жүзүңөргө сулуулук, оозуңарга жагымдуу жыт, аялдарга күч-кубат. Кына бейиштиктердин жытынын сеййиди жана кына күфүр менен ыйманды ажыратат.” [И. Асакир]

"Мына бул нерселер Лут коомунун жаман мүнөздөрүнөн: Эркектердин сагыз чайноосу, жолдо мисвак колдонуу, ышкыруу, көгүчкөндөр менен ойноо, эркектердин манжаларына кына сүрүүсү, ич көңдөйү ачык абалда жүрүү.” [Дайлами]

"Кына менен боёнгула. Анткени, ал жыпар жыттуу жана коркууну басат.” [Хаким]

"Чачыңарды кына менен боёгула жана яхудилерге окшошбогула.” [Ибни Ади]

"Сакалыңарды кына менен боёгула. Анткени, периштелер момундун кына сүрүүсүнө кубанышат.” [И. Адий]

"Пайгамбарыбыз алейхиссалам башы ооруган адамга: "Бар, хижама кылдыр”, буту ооруган адамга: "Бар, бутуңа кына кой”, - дечү.” [Табарани]

"Расулуллахка вахий келгенде башы ооруп калчу жана башына кына койчу.” [Ибни Сүнни]

"Эгерде денесинде жара бар болсо анын үстүнө кына койчу.” [Ибни Маажа]

"Аялдын колунда кынанын изи болушун жактырчу.” [Байхаки] 

Аялдардын кына сүрүүсү 

Суроо: Аялдар колдоруна кына сүрүшөт, чачтарын боётушат жана түрдүү дарылар менен чачтарынын өңүн өзгөртүшөт. Булар жаизби?

ЖООП: Баары жаиз. Бирок, чоочундарга көрсөтпөөлөрү зарыл. Чоочун эркектерге көрсөтпөө шарты менен аялдардын бардык жасалга жана кооздуктары жаиз. Жолдошу үчүн кооздонуу сүннөт, чоочундар үчүн кооздонуу харам. 

Эркектердин кына сүрүүсү 

Суроо: Эркектердин чачынын төгүлбөшү же баш ооруганда кына сүрүүлөрү жаизби?

ЖООП: Ооба, жаиз. Эгер дарылануу максаты жок болсо, анда жаиз болбойт. 

Суроо: Кына гусул менен дааратка кедерги болобу?

ЖООП: Кедерги эмес. Кына сыя сыяктуу, астына суу өтөт. 

Суроо: Каза болгон аялдын башына кына коюу жаизби?

ЖООП: Ооба. 

Кайра кына сүрүү 

Суроо: "Эгер кына сүрүлгөн колго кайра кына сүрүлсө, адам эки жолу үйлөнөт”, - деп айтылууда. Бул туурабы?

ЖООП: Жок, туура эмес, жаман ишеним. Эки жолу да, үч жолу да сүргөнгө болот. Жолдошу каза болгон аял гана иддат мөөнөтү аяктаганга чейин кына сүрбөйт. Бир хадиси шариф:

"Жолдошу каза болгон аял [иддаты аяктаганга чейин] кооз кийим кийбейт, жасалга тагынбайт, кына сүрбөйт жана сүрмө тартпайт.” [Муслим]

Дагы бир маселе - кына зыйнат, жасалга. Аял киши кыналуу колун чоочун эркектерге көрсөтө албайт. Ошол абалда сыртка чыга албайт. Эркек болсо ансыз да зыйнат болгондуктан, кына сүрө албайт.