Ислам дини » Ибреттүү аңгемелер » Ачкалыктан өлгөн бай




Ачкалыктан өлгөн бай


Юсуф алейхиссалам жалаадан улам зинданда жатканда Мысыр өкүмдары түш көрөт. Коркуу менен уйкусунан ойгонуп: "Мен түшүмдө 7 семиз уйдун 7 арык уйду жеп жатканын жана 7 жашыл машак, 7 кургаган машак көрдүм. Эгер түштү кандай жорууну билсеңер бул түшүмдү жоруп бергиле”, - дейт. Алар: "Биз мындай түштөрдү жорубайбыз”, - дешет. Хазрети Юсуф менен зынданда болгон шербетчи Хазрети Юсуфтун туш жоругандыгын эстеп: "Мен бул түштү жорутамын”, - дейт. Хазрети Юсуфтун жанына келет. Мысыр өкүмдарынын тушүп айтып берип, бул түштү жоруусун суранат.

Хазрети Юсуф: "7 жыл молчулук, 7 жыл каатчылык болот. Молчулук мезгилде сактагыла, каатчылык кезде буларды жейсиңер. Молчулук жылдары көп эгип, эгиндерди саптары менен бирге машактары менен кошо кампага сактап коюшуң керек. Ушундайча эгиндер бузулбай турат, саптары болсо жан-жаныбарга азык болот. Элге дагы эгинден муктаждыктарын кетире турган өлчөмдө гана колдонууларын, калган бөлүгүн сактап коргоолорун буйрук кылууң керек. Бул азыктар каатчылык мезгилде силердин жана айланадагы адамдардын муктаждыктарын камсыздайт”, - дейт.

Хазрети Юсуфтун кеңештерин жактырган өкүмдар Мысырдын казыналарынын башкаруу ишин Хазрети Юсуфка берет. Мындайча айтканда аны финансы иштеринин башчылыгына коёт. Ал болсо талап кылынган үнөмдөө жолун сактайт. 7 молчулук жылдан кийин 7 каатчылык жыл келет. Туш тараптан буудай алуу үчүн адамдар келип башташат.

Бул окуядан бир мөөнөт өтүп Йеменге өтө катуу сел келет, бак-дарактарды тамырынан жулуп, турак жайлардын жыгылуусуна себеп болот. Суулар тартылгандан кийин эски бир мазардын ачылып калгандыгын көрүшөт. Ортого бир аялдын сөөгү менен көп байлык чыгат. Ал жердеги эстеликтеги жазуу окулганда бул сөөктүн Химйери өкүмдарларынын биринин кызы болгон Таже атуу бир аялга тийиштүү экендиги белгилүү болот. Таженин сөөгүнүн мойнунда 7 берметтен шуру, колдорунда 7 баалуу алтын билерик, буттарында 7 гаухар билерик жана манжаларынын жетисинде кооз гаухар шакектер бар болот. Айрыкча, баш тарабында өтө баалуу буюмдарга толгон бир табыттын жаркылдап тургандыгы да назарга түшөт. Бул табыттын алдыңкы бөлүгүндө тагылган жазуулар өзүнө көңүл бурдурат.

Жазууда булар жазылган эле:

Мен өкүмдардын кызы Тажемин. Өлкөбүздө катуу каатчылык болгондугу үчүн буудай алып келүү үчүн бир нече адамымды Мысырдын казына башчысы болгон Юсуф алейхиссаламга жибердим. Бир далай убакыт өтсө дагы жиберген адамдарым келбей, адамдарыбыздын кээ бирлерине бир кантар (50 килограммчалык) күмүш берип кайсы жерден болсо да буга бир кантар ун алып келүүсүн буйрук кылдым. Алар болсо таба алышпады. Акыры бир кантар алтын берип кайра жиберсем анда да таба алышпагандыктан берметтерди майдалап жештен башка чара таба албадым. Бирок, ал дагы азык боло албагандыктан ушунча көп байлык ичинде ачкадан өлүм менен бетме-бет калдым. Менин бул аянычтуу окуямды уккандар керектүү сабак алуулары керек, байлыгына ишенбөөлөрү керек, зарыл болгон үнөмдөө жолун тандоолору керек. Тарыхта алтындын да, берметтин да ишке жарабай турчу жагдайлары болгону менен менден башка дүнүйөдө кайсы аял ушунчалык зыйнат ичинде өлгөн?

Казыналар бул аялга пайда бербегендей эле акыретте да пара-пул өтпөйт. Хадиси шарифте мындайча буюрулган:

"Үстүндө кул акысы бар адам өлүүдөн мурда төлөп кул ээси менен адалдашсын! Себеби, акыретте алтындын, мал-мүлктүн кадыры болбойт. Ал күндө акы төлөнгөнгө чейин өз сооптору алынып, сооптору болбосо акы ээсинин күнөөлөрү буга жүктөлөт.” [Бухари]


Артка
 
    
Диний маалымат изде:

Имсак  
Күн  
Бешим  
Асыр  
Шам  
Куптан  


Имсак убактысы: Бул төрт мазхабда тең (шарий түндүн) акыры болуп эсептелет. Б.а. (Фажр-и садык) деп аталган асмандагы агаруунун чыгыштагы уфк-и захирий (көрүнгөн горизонт) сызыгынын бир чекитте көрүлүүсү. Орозо ушул убакытта башталат. Фажри садык убактысынын бийиктиги төрт мазхабда да 19 градус.
free counters
Сайтыбыздагы маалыматтар бардык адамдардын пайдалануулары үчүн даярдалган.
Түп нускасын өзгөртпөө шарты менен уруксат албастан эле маалыматтардан пайдаланууга болот.
Баштапкы бет катары   |    Сактап кой   |    Биз менен байланыш   |    RSS   |   Paylaş Бөлүш