Жабраил алейхиссалам акыл, уят жана ыйманды Адам
алейхиссаламга алып келип мындай деди: «Эй, Адам! Аллаху таала сага саламын
айтты. Алып келген бул үч сыйлыктын бирин кабыл алууңду буюрду.» Адам
алейхиссалам: «Алып келген үч сыйлыктын ичинен акылды кабыл алдым», - деди.
Жабраил алейхиссалам ыйман менен уятка карап:
«Силер бара берсеңер болот», - деди. Анда Ыйман ага: «Аллаху таала мага: «Акыл
кайда калса, сен да ошол жакта кал», - деп буйрук кылган. Ошондуктан, мен
акылдан айрылып кете албаймын! Уят болсо: «Аллаху таала мага да дал ушундай
буйрук кылган. Мен да акылдан айрылып кете албаймын!»
Аллаху таала кимге акыл берсе, уят менен
ыйман бирге болот. Акылы болбогон адамдын уяты да, ыйманы да болбойт.
Башкы бет
