Ачууланба!


Бир күнү Пайгамбарыбызга (саллаллаху алейхи васаллам) бир уруунун башчысы келет. Кайтаарында: "Мырзам, мага бир насаат айтыңыз!” деп өтүнөт.

Пайгамбарыбыз алейхиссалам ага: "Абайла, ачууланба!” - деди.

Уруунун көсөмү бул кыска гана насыятка таң калып, айылына карай жөнөйт. Айылына келсе, айыл тургундарынын куралданып жатканын байкайт. Алардан тынчсызданып сурайт:

- Тынччылыкпы, эмне болуп кетти?

- Биздин жаштарыбыз коңшу уруунун бир нече малын уурдап алышыптыр. Алардын куралданып бизге келе турганын ойлоп, коргонуу үчүн даярданып жатабыз, - дешет.

- Демек, бизге чабуул жасамакчыбы! – деп каарданып, уруу башчысы да куралданды. Дал ошол убакта Пайгамбарыбыздын алейхиссалам айткан насыяты эсине түштү.

Дароо тообо кылып, курал-жарактарын таштап, элге мындай деди:

- Мен алгач коңшу урууга барып сүйлөшөйүн, мындан эч нерсе жоготпойбуз.

Коңшу айылга жакындаганда ал айылдын тургундары таң калышып, аны уруу башчысынын жанына алып барышат. Уруу башчысы менен саламдашып мындай дейт:

- Биздин жаштарыбыз силердин малыңарга зыян келтириптир. Каталык бизде. Бардык чыгымдарды мен төлөймүн. Мунун кесиринен кан төгүлбөөсү керек.

Тигил башчы бул кең пейилдикке абдан ыраазы болуп:

- Андай болсо мен да бардык тарткан зыяндарыбызды кечтим, - деди.

Ушундайча кан төгүлбөй, араларында ынтымак пайда болду.


Артка
 
    
Диний маалымат изде:
Имсак  
Күн  
Бешим  
Асыр  
Шам  
Куптан  


Имсак убактысы: Бул төрт мазхабда тең (шарий түндүн) акыры болуп эсептелет. Б.а. (Фажр-и садык) деп аталган асмандагы агаруунун чыгыштагы уфк-и захирий (көрүнгөн горизонт) сызыгынын бир чекитте көрүлүүсү. Орозо ушул убакытта башталат. Фажри садык убактысынын бийиктиги төрт мазхабда да 19 градус.
free counters
Сайтыбыздагы маалыматтар бардык адамдардын пайдалануулары үчүн даярдалган.
Түп нускасын өзгөртпөө шарты менен уруксат албастан эле маалыматтардан пайдаланууга болот.
Баштапкы бет катары   |    Сактап кой   |    Биз менен байланыш   |    RSS   |   Paylaş Бөлүш