Абдуллах бин Аббас

Абдуллах бин Аббас – улуу сахабалардын бири болгон. Хижрадан 3 жыл мурда дүнүйөгө келди. Пайгамбарыбыз кайтыш болгон кезде 13 жашта болчу. Эки жолу Жабраил алейхиссаламды көрдү. Пайгамбарыбыз ага «Аллаху таала акылмандык берсин» деп дуба кылган. 71 жашында Таиф жергесинде кайтыш болду.

Бир күнү мечитке бара жатып жолдо бир сулуу аялды көрөт. Напсинин ага жүз бурганын байкады. "Йа, Раббым! Сен мага көздү нимат кылып бердиң. Бирок, мунун бир балээ болуусунан коркомун. Көзүмдү көрсөтпө”, - деп дуба кылды. Көздөрү көрбөй калды. Бир тууганынын баласы аны мечитке алып барат, бир теректин түбүнө кыбылага каратып отургузат. Бала ойноого кете турган, керек болгондо баланы чакырып алчу. Бир күнү даарат алуу керек болот. Баланы чакырат. Оюнга берилип кеткен бала оңойдо келе калбайт. Айлананы булгоодон коркуп: "Йа, Раббым! Көзүмдү нимат катары бердиң. Балээ боло турганынан коркуп көргөзбөй койдуң. Эми кийимим менен мечиттин булгануусунан коркомун”, - дейт. Ошол кезде көрбөгөн көздөрү кайрадан ачылды.