Багбан

Хазрети Ибрахим бин Адхам ханзаада кезинде  таажынсын, тактысын, мал-мүлкүн таштаган, өзүн  илимге атаган улуу олуя, аалым эле. Хазрети  Омардын урпагынан эле. 779-жылы кайтыш  болгон. Ибреттүү окуялары, насааттары кеңири  жайылган. 

Бир кездери узак убакыт бир бакчада багбан  болуп эмгектенет. Күндөрдүн биринде бакчанын  ээси келип: "Таттуу анардан алып келчи!” – деп  айтат. Ибрахим бин Адхам бир анар алып  келгенде кычкыл болуп чыгат. Бакчанын ээси: "Бул  анар кычкыл турбайбы, башкасын алып кел!” – деп  айтат. Алып келгени дагы кычкыл чыгат. Ошентип дагы бир-эки жолу кайталанган соң бакчанын ээси  ачууланып: "Субханаллах! Ушунча убакыттан  бери багбан болуп эмгектенип жатасың, бирок,  анардын кайсы бири таттуу, кайсы бири ачуу  экенин али билбейт экенсиң!” – дейт. Хазрети  Ибрахим бин Адхам: "Мырзам, менин милдетим  багбандык кылуу, бактарды багуу гана. Бакчадагы  анарларды жеп көрбөсөм даамын кайдан  билмек элем!” - деп жооп берет. Бакчанын ээси  багбан болуп туруп анар жебеген адамга ишене  албай: "Эгер сени тааныбыганымда мына бул  сөзүңө карап сени Ибрахим бин Адхам хазреттери  деп ойлоп калмакмын”, – деген экен.