Суроо: Өлгөндөргө  жана оорулууларга Ясин жана Фатиха окулуп  жатат. Бул сүрөлөрдүн котормолорунда шыпаа тууралуу айтылбайт. Фатиха сүрөсүн окуп жатканда өзүбүзгө дуба кылуудабыз. Булардын шыпаа менен эмне байланышы бар?

Жооп: Эмне тууралуу айтылбасын, Курани каримдин ар бир аяты, ар бир тамгасы шыпаа. Хадиси шарифте: "Дарылардын эң жакшысы – Курани карим”, - деп билдирилген. (Ибни Мажа)

Пайгамбарыбыз алейхиссалам үч түрдүү дары колдончу. Курани карим же дуба окучу. Дүнүйөлүк илимдер аркылуу табылган дарыларды колдончу. Экөөнү тең аралаш колдончу. Бир хадиси шарифте айтылат:

"Курани каримден шыпаа күтпөгөн адам шыпаага жете албайт”. (Дайлами)

Курани карим жана дуба шарттарына ылайык окула турган болсо сөзсүз шыпаа болот. Окуган жана оорулуу адамдын буга ишенүүсү зарыл. Харам иш кылган жана акыйдасы туура болбогон адамдын окуусу пайда бербейт. Курани каримди акчага окуу – харам. (Тафсир-и Мазхари)

Хадиси шарифтерде айтылды:

"Фатиха ар дартка дабаа”. (Байхаки)

"Фатиха сүрөсү Аллаху тааланын каарын кайтарат”. (Ширъа)

"Өлгөндөрүңөргө Ясин окугула!” (И. Ахмет)

"Көрүстөнгө кирген адам Ясин сүрөсүн окуса ошол күнү өлүүлөрдүн азаптары жеңилдейт. Өлүүлөрдүн санынчалык окуган адамга сооп берилет”. (Афтах-ул муслимин)

"Ясинди окуган адамдын кайгысы кетет”. (Дайлами)

"Жума түнү Ясин окуган адамдын күнөөлөрү кечирилет”. (Исфахани)

"Түнү Ясин окуган адам кечирилген болуп таңга чыгат”. (Бухари)

"Аллах ыраазычылыгы үчүн Ясин окуган адамдын күнөөлөрү кечирилет”. (Ибни Сүнни)

"Ар түнү Ясин окуганды уланткан адам шейит болуп кайтыш болот”. (Табарани)

"Ар нерсенин бир жүрөгү болот. Курандын жүрөгү – Ясин”. (Тирмизи)

"Бир жолу Ясин окуган адам он жолу Курани каримди окугандын сообун алат”. (Тирмизи)

Ясин сүрөсүндө Кыяматта боло турган нерселер, дүнүйөнүн өткүнчү экендиги, Бейиш нематтары менен Тозок азаптары да билдирилүүдө. Түшүнгөн оорулуу жанында окулганда ыйман менен кетүүгө себеп болгон нерселер тууралуу уккан болот. Имам Газали хазреттери айтат:

"Имам Ахмед бин Ханбал хазреттери Аллаху тааланын "Түшүнсө да түшүнбөсө да Курани карим окуган адам менин ыраазычылыгыма жетет” дегенин билдирүүдө”. (Ихйа)

Өлүүлөр үчүн да Ясини шарифти окуу буйрук кылынган. Хадиси шарифтерде айтылат:

"Жанында Ясини шариф окулган оорулуу сууга канган абалда кайтыш болот, тойгон абалда кабырга кирет”, "Мусулман бир оорулуунун жанында Ясин окула турган болсо Рыдван аттуу периште Бейиш шербетин алып келет. Ал адам сууга канган абалда рухун тапшырат. Тойгон абалда да кабырга кирет, сууга муктаждыгы болбойт”. (С.Абадиййа)