Кээ бир нерселер кедейликке жол ачат, ырыскынын
кыйынчылык менен келүүсүнө себепчи болот. Мисалы, тырмагы узун кишинин ырыскысы
машакаттар менен, кыйынчылыктар менен келет. Үч хадиси шариф: «Күнөө иш
кылуу ырыскыдан куру калууга себеп болот.» [Ибни Маже]
«Жалган сүйлөө ырыскыны азайтат.» [Исфахани]
«Зина кылуу кедейликке жол ачат.» [Байхаки]
Ырыскынын көбөйүүсү, берекелүү болуусу үчүн ар
мубах ишти Бисмиллах менен орундоо керек.
Ата-бабалар: «Эрте турган кишинин насиби мол
болот», - дешкен. Бир адамдын алган айлык акысы белгилүү болсо да эрте турса
насиби мол болот. Айлык акынын өзү эмес берекеси көбөйөт. Береке – бул аз бир
нерседен көп пайдалануу. Аз гана тамак көп кишиге жеткен болсо, анда ал
берекелүү болгон болот. Көп акча тапканына карабай айлык акысы жеткире албаган
киши акчасынын берекесиздигинен улам карызга батат. Эртең менен эрте туруу
кайырдуулукка, берекеге себеп болот. Хадиси шарифте мындай деп буюрулду: «Эртең
мененки уйку ырыскыга кедерги.» [Байхаки]
Башкы бет
