Согушта куулук

Суроо: Хила (куулук) кылуу харам болгону менен согушта эмне үчүн жаиз болууда?

ЖООП

Харам болгон кээ бир нерселер согушта жаиз болот. Бир канча мисал берели:

1- Бир хадиси шарифтин мааниси мындай:

«Жалган айтуу үч жерде жаиз: Согушта, себеби, согуш – куулук. Эки мусулманды элдештирүү үчүн, аялын башкаруу үчүн.» [Ибни Лал]

2- Текеберленүү күнөө болгону менен, согушта душманга карата текебер көрүнүү жаиз. (Барика)

3- Муруттарды сүннөт өлчөмдөн артык узартуу жаиз болбогону менен, согушта душманга коркутуучу болуп көрүнүү үчүн муруттарды узаартуу мустахаб. (Дурр-ул-мухтар)

4- Аспап чертүү күнөө болгону менен, согушта жана согушка даярданууда аскерге дем берүү үчүн мехтер маршы жаиз. (Хадика)

5- Мектептерде миллий жана саясий жыйындарда, майрамдарда оркестр, гармоника ойнотуу жаиз. (С.Абадиййа)

Согушта жалган жана куулук

Суроо: Согушта жалган жаизби?

ЖООП

Жалган чоң күнөө. Бир хадиси шарифтин мааниси:

«Эң чоң күнөө Аллахка ширк кошуу, эне-атага каршы чыгуу жана жалган.» [Муслим]

Жалган өтө чоң күнөө болгонуна карабай согушта жаиз. Бир хадиси шарифтин мааниси:

«Үч жерде жалган күнөө болбойт: Согушта, себеби, согуш куулук. Аял менен күйөөнү жана эки мусулманды элдештирүү [жана ортолорундагы байланыштын үзүлүүсүн токтотуу] үчүн.» [Ибни Сүнни]

Хила кылуу (куулук), башка бирөөнү алдоо дагы харам. Хадиси шарифте мындай деп буюрулган: «Куулук кылган, алдаган Жаханнамда.» [Маварди]

«Алдаган киши бизден эмес.» [Муслим]

«Макр, худа жана кыянат ээлери отто.» [Абу Давуд] [Макр: Куулук кылуу, алдоо. Худа: Куулук, оюн. Кыянаттык: Кыянаттык, опаасыздык, ишенимди жамандыкка колдонуу.]

Согушта душманды жеңүү үчүн куулук кылуу, оюнга түшүрүү, капыстан колго түшүрүү жаиз. Себеби, хадиси шарифте: «Ал-харбу худатун», демек, «Согуш куулук», - деп буюрулду. (Бухари)

Өлүмдөн кутулуу үчүн дагы жалган жана куулук жаиз, күнөө болбойт. Өлбөө үчүн өлбөй турганчалык тарп жегенге окшойт. Өлбөө үчүн жалган дагы жаиз. (Хадика)