Ислам жана илим

Ислам турушунда эле илим болуп эсептелет.  Курани каримдин көп жеринде үйрөнүү буйрук  кылынат. Мисалы, Зумер сүрөсүнүн тогузунчу  аятында мындай мааниде айтылат: «Билимдүү  менен жахил тең боло алабы? Албетте, билген  баалуураак». 

Ал эми Расулуллахтын илимге чакырган сөздөрү  кандай көп. Мисалы, Ал айтты: «Кытайда болсо да  барып илим үйрөнгүлө». Башкача айтканда, эгер  илим дүйнөнүн узак бир четинде болсо да ал жерге  барып аны үйрөнгүлө. Каалабаймын, бул капырлар  ойлоп тапкан нерсе дебегиле. 

Хадистердин бирөөндө мындайча айтылат:  «Илим үйрөнгүлө жана бешиктен баштап өлгөнгө  чейин эмгектенгиле». Башкача айтканда, бир буту  мүрзөдө калган 80 жаштагы кары адам болсо да окуш  керек. Окуу анын ибадаты болот. 

Башка бир хадиси шарифте буюрулган: «Акырет  үчүн эртең өлө тургандай балуп эмгектен. Бул  дүйнө үчүн түбөлүк жашай тургандай эмгектен». 

Дагы бир хадиси шарифте буюрулган: «Илимдүү  болуп туруп аз да болсо динге кызмат кылуу  илимсиз болуп көп кызмат кылганга караганда  жакшыраак!». Ошондой эле: «Шайтан миң жахил  адамга караганда бар илимдүү аалымдан  көбүрөөк коркот!».