Арактын зыяндары

Бүгүнкү күндө эң чоң илдетке айланган, өзгөчө жаштарга тийе турчу коркунучтардын башында спирт ичимдик жана баңги зат турат. Арактардын зыяндарынын бир канчасы төмөндөгүдөй:

· Зыяндуу адаттар алгачкы кадамдан жана алгачкы даам татуудан башталат. Тузактын эң чоң "Бир жолу көргөндөн эмне чыгат?” деп ойлоо.

· Жол кырсыктарынын көбү мас айдоочулардын айынан болот.

· Спирт ичимдиктер менен баңги заттар мээ жана борбордук нерв системасынын чыныгы душманы.

· Спирт ичимдик коркунучтуу шишик оорусуна чалдыгуу себептеринин башында турат.

· Спирт ичимдик ичүүчүлөрдүн боору чарчайт. Ошондуктан, цирроз оорусуна чалдыгуусу мүмкүн.

· Арак жүрөк менен кан айлануу системасын бузат.

· Бөйрөктүн сезгенүүсү, клеткаларга залака тийүүсү жана простата бездеринин чоңойуусу арактын зыяндарынан болуп саналат.

· Ашказандын ички чел кабыгын дүүлүктүрүп, гастрит менен язвага себеп болот.

· Спирт ичимдик ичүүчүлөрдүн мээ клеткаларынын көбү өлөт. Натыйжада паралич жана өлүмгө себеп болот.

· Аң-сезимдүү жана эрктүү кыймыл-аракеттердин ордуна аң-сезимсиз жана контролсуз кыймыл-аракеттер башталат. Ой жүргүзүү, уялуу жана ар-намыс сезимдери алсырайт.

· Бет жана териде тери оорулары пайда болот. Аракечтердин балдары көбүнесе кем акыл, талма оорулуу, аракеч... болот. Психикалык ооруга чалдыккан 1000 адамга карата жүргүзүлгөн изилдөө натыйжасында 665 кишинин эне-аталары аракеч экендиги аныкталган. Майыптардын 80%нын себеби да аракеч болгон эне-аталар.

· Аракка берилгендердин арасында адам өлтүрүү жана үй-бүлөлүк уруш-талаштар өтө көп кездешет.