Суроо: Баланы тарбиялоодо "Уурулук кылган адамдын
башына Аллах таш жаадырат, жалган сүйлөгөн адамды Тозок оту менен жазалайт”
деген сыяктуу сөздөрдү айтуу туурабы? Же болбосо мунун тескерисин айтуу
керекпи? Мисалы, "Уурулук кылбаган адамды, жалган сүйлөбөгөн адамды Аллах жакшы
көрөт” деш керекпи? Кантип айткан туура?
Жооп: "Уурулук кылган адамдын үстүнөн таш жаадырат”
деп айтылса, бала ууруларды көргөндө "эмнеге булардын башына таш жаабады” деп
ойлоп, эне-атасына деген ишеними кетиши мүмкүн. Ал тургай Аллаху таала
чындыгында эле жамандык кылып жаткандардын башына таш жаадырып жаткан жок.
Ошондой эле дайым "мындай кылбасаң Аллах сени жакшы көрбөйт” деп айта бергенде
да "жакшы көрбөсө көрбөсүн” деп айтышы мүмкүн. Жакшылык кылгандардын Бейишке,
жамандык кылгандардын Тозокко түшө турганын туура сөздөр менен түшүндүрүп берүү
керек. Ар бир ката ишине Аллах сени минтип жиберет, тигинтип жиберет деп айтуу
туура эмес. Жакшы иш кылганда мактоо керек, ал эми жамандыктарын кээ бирин
көрбөгөндөй кылуу керек. Жамандыгына чектен ашпагандай, көңүлүн калтырбай
тургандай жаза берүү керек.
Башкы бет
