Салмак кошуу үчүн

Суроо: Арыктоо үчүн практикалык маалыматтарды жаздыңыз. Бирок, мен салмак кошкум келет. Эмне кылышым керек? 

ЖООП: Эгер салмак кошо албооңуз бул сиздин дене түзүлүшүңүзгө байланыштуу болсо, денеңиз азыкты көп күйгүзсө, гормоналдык текшерүүдөн өтүп, ошого жараша иш-аракет кылуу керек. Башкача айтканда, адис дарыгердин текшерүүсүнөн жана диагнозунан кийин анын сунуштарын аткаруу зарыл. 

Кадимки адам салмак кошуу үчүн биз жазгандардын тескерисин жасаса жетиштүү. Мисалы:

1- Дайыма ундуу, шекерлүү жана майлуу тамактарды жеш керек. Ундан жасалган жана майлуу токочторду, таттууларды жеш керек.

2- Зейтун майы ден соолукка да, салмак кошууга да абдан пайдалуу.

3- Табитти ачкан азыктарды жеш керек, дасторкондо уксус кем болбошу керек.

4- Фундук, мисте, жаңгак сыяктуу куру жемиштерди жеш керек.

5- Тамак-аштар карбогидрат [шекерлүү азыктарга] бай болушу керек. Мисалы, палоо жеш керек. 

Салмак кошууда өлчөм – берилген калорияга караганда көбүрөөк калория алуу болуп саналат. Эгер булар аткарылса нормалдуу адам кыска убакыттын ичинде бир топ салмак кошот. 

Табитти ачкан азыктар 

Суроо: Мен арыкмын, салмак кошкум келет. Кандай азыктар табитти ачат жана организмге күч берет?

ЖООП: 

Коон, дарбыз: Баш ооруну басат, көзгө күч берет, табитти ачат. 

Грейпфрут: Ракка каршы коргойт, С витамининин булагы. Табитти ачат. 

Кара зире: Табитти ачат. Ал денеге күч-кубат  берет. 

Лавр: Заараны жана этек кирди кетирет. Табитти ачат. 

Сабиз: Көрүүнү бекемдейт, аз кандуулукка пайдалуу, беттеги бырыштарды кетирет. 

Кресс-салат: Табитти ачат, тамак сиңирүүнү жеңилдетет. 

Инжир: Энергия берет, салмак кошууга абдан пайдалуу. 

Гвоздика: Микробдорду жок кылат. Ооруну басат. Тамак сиңирүүнү жеңилдетет. Табитти ачат.Паприка: Курамында С витамини көп. Иммундук системаны бекемдейт. Табитти ачат, тамак сиңирүүнү жеңилдетет, нерв ооруларын басат, холестериндин алдын алат. 

Нокот: Организмди бекемдейт. Кургак буурчак жана күрүч да пайдалуу. 

Пияз, сарымсак: Табитти ачат. 

Тарчын: Руханий кыйынчылыктардан кетирет. Жүрөктү бекемдейт. Табитти ачат, тамак сиңирүүнү жеңилдетет. 

Йогурт: Тамак сиңирүү системасынын үзгүлтүксүз иштешин камсыздайт. 

Шоколаддуу пудинг: Салмак кошууга жардам берет. 

Имбирь: Табитти ачат. 

Туз: Табитти ачат. 

Татымалдар: Табитти ачат.

Зейтун майы: Эң көп калория зейтун майында болот.