Башка хадис аалымдары

Ибни Аби Шайба: 

Абу Бакр Абдуллах бин Мухаммед хафыз эле. Жүз миң хадиси шарифти равилери менен бирге жатка билген адам "хафыз” деп аталат. 850-жылы кайтыш болгон. "Муснад” китеби белгилүү. 

Дарими: 

Абдуллах бин Абдуррахман хафыз Абу Мухаммед 789-жылы Самаркандда туулуп, 869-жылы кайтыш болгон. Хадис аалымы эле. "Муснад” деп аталган китеби өтө баалуу. Хадиси шариф илиминде болгондой эле, тафсир жана фикх илимдеринде да терең аалым эле.

Эмгектери:

1 – "Муснад-и Дарими” (Эң таанымал жана баалуу эмгеги ушул.)

2 – "Ал-Жами-ус-сахих”. Бул "Сунан-и Дарими” деп дагы аталат.

3 – "Суласиййат”. 

Ахмед Беззар: 

Атасынын аты Амр. Хадис аалымдарынан болуп, 905-жылы кайтыш болгон. "Муснад” деп аталган китеби белгилүү. 

Абу Яъла: 

Ахмед бин Али хадис аалымы эле. "Муснад” китеби белгилүү. 825-жылы туулуп, 920-жылы Мусулда кайтыш болгон. 

Ибни Адий: 

Абу Ахмед Абдуллах ибнул Адий хадис имамдарынан эле. 856-жылы Журжанда туулуп, 935-жылы Астарабадда кайтыш болгон. Хадиси шариф жыйноо үчүне Ирак, Мысыр, Шам жана Хижазды кыдырды. 

Ибни Хиббан: 

Абу Хатим Мухаммед бин Ахмед Тамими хадис имамы жана Шафии эле. Самарканддын казысы эле. Сижстанда Буст шаарчасында туулуп, 966-жылы Самаркандда кайтыш болгон. 

Рамехурмузи: 

Улуу хадис аалымдарынан эле. Аты Хасан бин Абдуррахман. 970-жылы Рамехурмуз шаарында кайтыш болгон. Ал Рамехурмузи аты менен таанылды. Көптөгөн эмгектерди жазган. Булардан "Ал-Мухаддис-ул-Фасыл Бейн-ар-Рави ве'л-Ваи” деп аталган эмгеги усули хадис жаатында жазылган алгачкы китеп. Анын "Раби-ул-Мутеййемин фи Ахбар-ил-Ушшак”, "Китаб-ул-Эмсал”, "Китаб-ун-Навадир”, "Китаб-и Рисалат-ус-Сафар”, "Китаб-ур-Рух”, "Адаб-ун-Натык” деп аталган эмгектери да бар. 

Дара Кутни: 

Али бин Омар хадис аалымы эле. 918-жылы Багдадда Дара Кутнда туулган  болуп, 995-жылы кайтыш болгон. "Сунан” деп аталган белгилүү. 

Хаким Нишапури: 

Мухаммед бин Абдуллах хадис аалымдарынан эле. 933-жылы туулуп, 1014-жылы Нишапурда кайтыш болгон. Бухари жана Муслимде жок болгон сахих хадистерди чогултуп жазган "Мустадрак” китеби өтө баалуу. 

Ахмед бин Абдуллах (Абу Нуайм Исфахани): 

Абу Нуайм Исфахани аты менен белгилүү. Шафии мазхабында эле. Хадис аалымы эле. 948-жылы туулуп, 1039-жылы кайтыш болгон. Баалуу китептери бар. "Хилйа-тул-Авлия” китеби белгилүү. 

Ибни Абдилбарр: 

Хафыз Жемаладдин Абу Омар Юсуф бин Абдуллах Малики мазхабында фиких жана хадис аалымы эле. 978-жылы Куртубада туулуп, 1071-жылы Шатыбада кайтыш болон. "Алистиаб фи-марифа-тил-асхаб” деп аталган китеби белгилүү. 

Хатиби Багдади: 

Хафыз Ахмед бин Али хадис аалымдарынан эле. Көп санда баалуу китептерди жазган. Шафии мазхабында эле. 1002-жылы Багдада туулуп, 1071-жылы ошол жерде кайтыш болгон. Имам Азам жана Имам Ахмедге тил тийгизген болсо да, жеңилген. 

Дайлами: 

Шахрдар бин Абу Шужа Ширавайх 1090-жылы Хамаданда туулуп, 1163-жылы кайтыш болгон. Хадис аалымы эле. "Муснад-ул-фирдавс” деп аталган китеби белгилүү. 

Ибни Асакир: 

Али бин Хасан фикх жана хадис аалымы эле. 1105-жылы Шамда туулуп, 1176-жылы ошол жерде кайтыш болду. Сексен томдук "Шамдын тарыхы” китеби белгилүү. 

Зехеби: 

Имам Абу Абдуллах Шемседдин Мухаммед бин Ахмед бин Осман бин Каймаз Туркмани Мысри хадис жана тарых аалымдарынан эле. 1274-жылы Шамда туулган болуп, 1348-жылы Мысырда кайтыш болгон. Эмгектеринен "Мизан-ул итидал”, он эки томдук "Тарих-ул Ислам”, "Тажрид фи-асма-и Сахаба” жана "Ас-сайфа фи-менакыби Абу Ханифа” китептери бар. "Ат-тыббун-Набави” өтө пайдалуу болуп, Ибрахим Эзрактын "Тасхил-ул-менафи” түшүндүрмөсүндө Мысырда жана 1975-жылы Стамбулда жарыяланган. Ибни Таймиййанын шакирти эле. 

Ибни Хажар-и Аскалани: 

Шихабуддин Ахмед бин Али хадис имамы жана Шафии фикх аалымы эле. 1371-жылы Мысырда туулуп, 1448-жылы ошол жерде кайтыш болгон. Жүз элүүдөн ашуун китеби бар. "Алисабе фи-тамйизиссахаба” китеби Ибни Асирдин "Усуд-ул-габе” китебинен да мыктыраак. Төрт томдон турат.

Мунави [же Менави]: 

Абдуррауф-и Мунави хадис жана фиких аалымы эле. Шафии мазхабында эле. 1518-жылы туулуп, 1621-жылы Каирде кайтыш болгон. Көптөгөн китептерди жазган. "Кунуз-уд-дакаик” китеби 1868-жылы Стамбулда жарыяланган.