Кааба-и
муаззаманын чыгыш бурчундагы бир жарым метрдей бийиктикте жайгашкан жана Бейиш
жакуттарынан болгон жалтырак кара таш.
Ибрахим
алейхиссалам уулу Исмаил алейхиссалам менен бирге Каабаны тургузушкан учурда
периштелер таш алып келип, Исмаил алейхиссаламга жардам беришти. Кезек
Хажар-ул-асвадга келгенде Ибрахим алейхиссалам: "Эй, Исмаил! Жакшы бир таш алып
кел. Ал ажыларга белги болсун”, - деди. Исмаил алейхиссалам бир таш алып келди.
Ибрахим алейхиссалам: "Мындан да жакшыраак таш алып кел”, - дегенде, Абу Кубайс
тоосунан "Жабраил алейхиссалам топондон мага бир ташты аманат кылып тапшырды.
Келип, аны ал!” деген бир үндү укту. Ошондо Хажар-ул-асвад ташы Абу Кубайс
тоосунан алынып, Каабадагы ордуна жайгаштырылды. (Азраки)
Хазрети
Омар Хажар-ул-асвад ташына карата: "Сен эч нерсе кыла албайсың. Бирок,
Расулуллахты уюп сени өбүүдөмүн”, - деди. Хазрети Али муну укканда
Расулуллахтын "Хажар-ул-асвад Кыямат күнү адамдарга шапаат кылат” дегенин
айтты. Хазрети Омар болсо Хазрети Алинин бул сөзүнө ыраазычылык билдирди. (Давуд
бин Сулайман)
Тавафты
(Каабаны айланууну) Хажар-ул-асваддан баштоо жана ошол жерде аяктоо сүннөт. (Зейлаи)
Башкы бет
