Хушуъ

Кичи пейилдик, карапайымдык. Аллаху таалага баш ийүү. Коркуу жана сүйүүдөн пайда болчу адептүү бир абал.

Аллаху таала аят-и карималардын маанисинде мындай деген:

Ыйман келтирген адамдардын Аллаху тааланы жана Хактан түшкөндү (Курани каримди) зикир үчүн жүрөктөрүнүн хушуъ мезгили дагы эле келбедиби? Алар мурда өзүлөрүнө китеп берилип да, арадан көп убакыт өткөн болуп, эбак эле жүрөктөрү карайып кеткендер сыяктуу болушпасын. Алардын көбү диндеринен чыккан фасыктар. (Хадид, 16)

Момундар эмне болсо да кутулушат. Алар намаздарын хушуъ менен окушат. (Муминун сүрөсү, 12)

Жүрөктү алаксыткан, хушуъну кетирген нерселердин алдында, мисалы, кооздук буюмдардын жанында, оюн-зоок жана музыкалык аспаптардын жанында, катуу каалаган тамактардын алдында намаз окуу макрух. (Ибн-и Абидин)

Хузур жана хушуъ менен окулган эки рекет намаз гафил (Аллаху тааланы унуткан) бир жүрөк менен кечтен таңга чейин окулган намаздан жакшыраак. (Абдуллах ибни Аббас)

Дубанын адептеринин бири – дуба кылып жатканда алсыздыгын билдирүү, хузур, хушуъ менен жана кабыл болушун үмүт кылып, өзү каалаган нерседе туруктуу болуу. (Имам-и Газали)