Жахил

1-Аллаху тааланы унуткан, гафил, түркөй, караңгы, наадан, билимсиз. Аллаху таала Курани каримде мындай деген мааниде буюрат:

Жахилдер, акмактар дүнүйөдөгү зоок жана лаззаттарына жетүү үчүн диндерин, ыймандарын беришти. Акыреттерин сатып, дүнүйөнү, кумарлары каалаган нерселерди алышты. Кутулуш жолун таштап, кыйроого жүгүрүштү. Алар бул алыш-бериштеринде эч эч кандай пайда табышкан жок. Алар соода жана пайда табуу жолун билишкен жок. Чоң зыянга учурашты. (Бакара сүрөсү, 16)

Өзүн аалым деп айткан адам жахил. (Хадиси шариф-Кашф-ул-Хафа)

Аалымдын уйкусу жахилдин ибадатынан жакшыраак. (Хадиси шариф-Барика)

Акыр заманда ибадат кылчулардын көбү дин жахили болот. (Хадиси шариф-Барика)

Акыл жетпеген жана жаңылган нерселерде акылга баш ийип, туура жолдон адашкан жахилдерди даанышман, философ жана аалым деп ойлогон, аларды туураган, жалган-жаңылыш сөздөрүн даанышмандык, илим деп ойлоп, аларга ишенген адамдар балээге кабылышат. (Имам Раббани) 

2-Илими менен амал кылбаган.

Канчалык көп окусаң да, канчалык көп үйрөнсөң да, канчалык көп маалыматка ээ болсоң да аны менен амал кылмайынча жахилсиң. (Сади Ширази)