Иншааллах

Дайыма Аллаху тааланын атын эстөөгө көнүү жана "Аллаху таала кааласа болот” деген маанидеги бардык иштерин Аллаху тааланын каалоосуна тапшыруу үчүн айтылуучу сөз.

Курани каримде мындай деген мааниде айтылат:

Бир нерсени эртең жасоого белсенген, чечим чыгарган кезиңде аны эртең жасайм дебе, Иншааллах эртең жасайм де! (Кахф сүрөсү, 23-24)

Эй, момундар! Албетте, келерки жылы, иншааллах, Масжид-и Харамга киресиңер. (Фатх сүрөсү, 27)

Аллаху таала алардын Масжид-и Харамга кирүүсүн каалады жана муну билчү. Бирок, пенделерине үйрөтүү үчүн иншааллах деп буюрган. Чындыгында, Пайгамбарыбыз дагы (саллаллаху алейхи васаллам) мазардагыларга жете турганын так билишине карабастан көрүстөндүн жанына келгенде: "Ассаламу алейкум йа ахла дар-ил-кавмил-муминин ва инна иншааллаху ан карибин бикум лахыкун: Эй, момундар өлкөсү! Силерге салам болсун. Иншааллах, биз да силерге жакында жетебиз” деп, Аллахтын буйругуна баш ийип, иншааллах деген болчу. (Имам-и Газали)