Кавсар сүрөсү

Курани каримдин жүз сегизинчи сүрөсү.

Кавсар сүрөөсү Меккеде түшүрүлгөн. Ал үч аяти каримадан турат. Пайгамбарыбыз алейхиссаламга ихсан кылынган Кавсарды билдиргендиктен, сүрө ушул ат менен аталган. Эркек балдары тирүү калбагандыктан Пайгамбарыбыз алейхиссаламга меккелик мушриктер арты үзүлгөн деген мааниде "абтар” дешкен эле. Натыйжада, Аллаху таала Кавсар сүрөсү менен аларга жооп берди. (Сави, Табери, Рази)

Аллаху таала Кавсар сүрөсүндө мындай мааниде айтат:

(Хабибим!) чынында биз сага Кавсарды бердик. Андыктан Раббиң үчүн намаз оку жана курмандык чал. Албетте, сени айыптаган адамдын өзүнүн арты үзүлгөн жана бардык жакшылыктардан куру калган. (Аят: 1-3)

Кимде-ким Кавсар сүрөсүн окуса Аллаху таала ага Бейиш дарыяларынан суу ичирет. (Хадиси шариф-Казы Бейдави Тафсири)

Кимде-ким жатаарда Кавсар сүрөсүн окуса, анадан кийин: "Йа, Рабби! Мени багымдат намазына өз убагында ойгото көр”, - десе, Аллаху тааланын уруксаты менен ал адам багымдат намазына ойгонот. (Кутбуддин Изники)