Берат түнү


Берат түнү Шабан айынын 15-чи түнү. Курани карим Лавхул махфузга ушул күнү түштү. Аллаху таала эч нерсе жаратпастан мурда жарата турган нерселеринин бардыгын каалады. Алардын бир жыл ичинде боло тургандарын ушул түнү периштелерге билдирди. Бул кечте ырайымдуулук эшиктери ачылып, дубалар кабыл боло турган төрт түндүн бири. Расулуллах бул түнү көп ибадат жасап, дуба окучу. "Аллахуммарзукна калбан такыййан минаш-ширки барийан ла кафиран ва шакыййан” дубасын көп окучу. (Рияд-ун-Насыхин) Шабан айында орозо кармоо чоң сооптуу иш.

Хадиси шарифтерде мындай делинди:

"Шабан айы өтө касиеттүү ай, адамдар бул айдын үстөмдүгүнөн гафил (кабарсыз). Бул айда амалдар ааламдардын Раббине арыз кылынат. Мен дагы амалымдын орозо кармаган абалда арыз кылынуусун каалаймын.” [Несаи]

"Рамазандан кийинки эң баалуу орозо - Шабан айында кармалган орозо.” [Тирмизи]

"Шабандын он бешинчи түнү болгондо түнүн ибадат менен, күндүзүн орозо менен өткөргүлө. Ал түнү Аллаху таала мындай дейт: "Кечирилгиси келген адам жокпу, күнөөлөрүн кечирейин? Ырыскы сурай турган адам жокпу, ырыскы берейин? Дартка даба издеген адам жокпу, ден-соолук берейин? Ким эмне кааласа берейин”. Бул абал таң атканга чейин уланат.” [Ибни Маже]

"Бул түнү көктөрдүн эшиктери ачылат, периштелер мусулмандарга сүйүнчү айтат, ибадатка чакырат. Берат түнү көп ибадат кылгыла! Антпесе, кыяматта өкүнөсүңөр”. [Несаи, Байхаки, А.Мунзири]

"Бул түнү мусулман тууганы менен байланышын үзгөн, өзүн жогору санаган жана ата-энесине каршы чыккандар кечирилбейт.” Байхаки]

"Жабраил алейхиссалам мага келди. "Тур, намаз оку жана дуба кыл. Бул түн Шабандын он бешинчи түнү”, - деди. Бул түндү ибадат менен өткөргөндөрдү Аллаху таала кечирет. Бир гана мушриктерди, сыйкырчыларды, төлгөчүлөрдү, сараңдарды, кекчилдерди, мушахиндерди (ахлибидат), ичкилик ичкендерди, пайыз бергендерди жана зинакордук жасагандарды кечирбейт. [Таберани]

Хазрети Аиша энебиз: "Йа, Расулаллах, Аллаху таала сизди күнөө кылуудан сактаса да эмне эмне үчүн Берат түнү көп ибадат кылдыңыз?” – деп сурады. Пайгамбарыбыз мындай деп буюрду:

"Шүгүр кылуучу кул болбоюнбу? Бул жылы туула турчу бардык бала ушул түнү дептерге жазылат. Бул жылдын өлө тургандарынын ысымдары ушул түнү жеке дептерге жазылат. Ушул түнү бардык адамдын бир жылдык ырыскысы бөлүнөт. Ушул түнү бардык адамдын кылган иштери Аллаху таалага сунулат.” [Гунйа]

"Берат түнүн олжо, мүмкүндүк деп билгиле! Анткени, ал – белгилүү бир түн. Шабандын 15-чи түнү. Кадыр түнү өтө кадырлуу болсо да кайсы түн экендиги белгисиз. Бул түнү көп ибадат кылгыла! Антпесе, кыямат күнү өкүнөсүңөр!” (С. Эбейдиййе)

Кыяматта өкүнүп калбаш үчүн бул түндү олжо деп билип, тообо кылып, кечирим суроо керек, каза намаздарды окуу керек, Курани карим окуп, мусулмандарга дуба кылуу керек.

"Шабан айынын 15-чи түнү дүнүйөнү Аллаху тааланын ырайымдуулугу каптайт, адамдар кечирилет. Бир гана акысыз түрдө мусулмандарга душмандык кылган жана Аллаху таалага шерик кошкон адам кечирилбейт.” [Байхаки]

"Шабан айында үч күн орозо кармаган адамга Хак таала Жаннаттан орун даярдайт.” [Аййухал велед илмихалы]

"Мына бул түндөрдө кылынган дуба кайтарылбайт. Рагаиб түнү, Берат түнү, Жума түнү, Рамазан Айт жана Курман Айт түндөрү.” [И.Асакир]

"Рахмет (ырайымдуулук) эшиктери төрт түнү ачылат. Ал түндөрдө кылынган дуба кайтарылбайт. Рамазан жана Курман Айттын биринчи түнү, Берат жана Арапа түнү.” [Исфахани]

"Аллаху таала Берат түнүндө капырлардан башка момундарды кечирет. Кекчилдерди бул жаман мүнөздөрүн койгонго чейин кечирбейт.” [Табарани, Байхаки]

"Аллаху таала Шабандын 15-чи түнүндө мушрик жана мушахинден (бидатчыдан) башка бардыгын кечирет.” [Ибни Маже]

"Аллаху таала Шабандын ортосунда Берат түнүндө дүнүйө көгүнө тажалли кылат. Баникалб коомунун койлорунун кылдарынан да көп адамдын күнөөлөрүн кечирет”. [Ибни Маже, Тирмизи]

"Төрт түндүн күндүзү да түнү сыяктуу касиеттүү. Аллаху таала ал күндөрдө дуба кылган адамдын тилегин кайтарбайт, аларды кечирет жана алар бул күндөрдө мол ихсанга ээ болушат. Булар: Кадыр түнү, Арапа түнү, Берат түнү жана Жума түнү менен күндөрү.” [Дайлами]

Нафил ибадаттардын сообуна жете алуу үчүн Ахли сүннөт акыйдасында болуу керек, харамдардан качып, күнөөлөргө тообо кылуу керек, фарздарды кемчиликсиз орундоого тырышуу керек жана ал амалды ибадат иретинде орундоого ниет этүү керек.

Хазрети Хасан Басри Шабандын 15-чи күнү мазардан чыккандай болуп жүзү бозоруп турчу. Бул кайгылуу абалынын себебин сурагандарга:

"Илми якин менен билемин, күнөөлөрүм бар. Күнөөм кечирилбесе, соопторум да кабыл болбосо абалым эмне болот деген коркунучтан улам жүзүм бозорууда”, - деп жооп берген экен.


Артка
 
    
Диний маалымат изде:

Имсак  
Күн  
Бешим  
Асыр  
Шам  
Куптан  


Имсак убактысы: Бул төрт мазхабда тең (шарий түндүн) акыры болуп эсептелет. Б.а. (Фажр-и садык) деп аталган асмандагы агаруунун чыгыштагы уфк-и захирий (көрүнгөн горизонт) сызыгынын бир чекитте көрүлүүсү. Орозо ушул убакытта башталат. Фажри садык убактысынын бийиктиги төрт мазхабда да 19 градус.
free counters
Сайтыбыздагы маалыматтар бардык адамдардын пайдалануулары үчүн даярдалган.
Түп нускасын өзгөртпөө шарты менен уруксат албастан эле маалыматтардан пайдаланууга болот.
Баштапкы бет катары   |    Сактап кой   |    Биз менен байланыш   |    RSS   |   Paylaş Бөлүш
<