Суроо: Харамдан садага берилсе эмне болот?
Жооп
Харамдан садага берилсе, алган кедей да харамдан
экенин билип туруп, садаганы берген адамга "Аллах ыраазы болсун” же
"Аллах кабыл кылсын” десе жана берген адам да "Амин” деп айтса, экөө
тең куфурга кирет.
Бир адамдын колундагы мал-мүлктүн харам мал-мүлк
экени билинмейинче уурдалган же кумардан алынган болсо дагы колундагы бул
мал-мүлктүн анын халал мүлкү деп кабыл кылынат. Муну бергенде мулк-и хабис
болсо дагы алуу жаиз болот. Берилген нерсенин харамдан экени анык билинсе,
ошондо гана алуу жаиз болбойт.
Харамдан табылган мал-мүлктү хадийа (белек) кылып
берүү жаиз болбойт. Харамдан табылганын билген адамдын дагы аны алуусу жаиз
эмес. Колуна харам мал-мүлк, мисалы, акча түшкөн адам муну ээсине кайтарып
берүүсү зарыл. Ээси табылбаса, бир кедейге садага кылып берүүсү керек. Башка
жерге берүү күнөө болот. Бул мал-мүлктү алуу кедейден башка адамга жаиз
болбойт. Жалгыз мураскордун гана харам мал-мүлк экенин билсе дагы мурасты
алуусу жаиз болот. Садага катары бир кедейге берген болсо, ал кедей харам
мал-мүлктү өзүнө хадийа кылса, муну өзү дагы колдоно алат.
Мал-мүлкүнүн көбү халал деп эсептелген адамдын
берген хадийасын алуу жаиз болот. Мал-мүлкү харам болсо жаиз болбойт.
Ылай суу таза деп кабыл кылынат. Себеби, суунун
өзү таза болуп саналат. Нажис (ыплас) экендиги болсо күмөндүү. Табышынын көбү
харамдан болгон адамдын берген мал-мүлкүнүн харамдан экени анык билинмейинче
бул мал-мүлктү алуу харам болбойт, макрух болот. Мал-мүлкүнүн көбү халал болгон
адамдын хадийасын алууга болот. Көбү харам болсо халал деп бергендерин алууга
болот. Берип жатып эч нерсе дебеген болсо, изилдеп көрүп, эмне пикирге келсе,
ошого ылайык амал кылат.
Башкы бет
